Fjalori

Rezultate në përkufizime për “mendjendritur”

Mëso si ta përdorësh
<<< Kthehu te kërkimi kryesor në fjalor

DRITËSUAR

DRITËSÚAR (i, e) mb. 1. I ndriçuar, i mbushur me dritë. Vend i dritësuar.
2. fig., poet. Mendjendritur. Njeri i dritësuar. Mendje e dritësuar.
3. fig. Që ka parë dritën e botimit, që është botuar. Në fund vëllimi poetik doli i dritësuar.

MENDJEDRITË

MENDJEDRÍTË mb. Që ka dije e kulturë të madhe, që ka mendje të ndritur, me mendje brilante, shumë i ditur, mendjendritur. Shkrimtar mendjedritë.
✱Sin.: i ditur, i ndritur, mendjendritur.

MENDJENDRITUR

MENDJENDRÍTUR mb., lart. Që ka dije e kulturë të madhe, i shquar në fushat e ndryshme të dijes; shumë i ditur. Dijetarët mendjendritur.
✱Sin.: i shquar, i ditur, mendjelartë.

SAVANT

SAVÁNT,~E mb. Që është i ditur. Art savant. Muzikë savante. I njihte veprat e klerikëve savantë. I kultivuar apo savant.
✱Sin.: dijetar, diturak, i zoti, i aftë, i mençur, i urtë, dijeplotë, i dijshëm, i ditshëm, mendjendritur, mendjegjerë, i arsimuar.

TITAN

TITÁN,~III m. sh. ~Ë, ~ËT 1. mit. Qenie që, sipas mitologjisë greke, përfytyrohej si njeri me trup shumë të madh e me fuqi të mbinatyrshme dhe që gjoja luftonte me perënditë. Lufta e titanëve. Titani Promete.
2. fig. Njeri me trup të madh dhe me fuqi të jashtëzakonshme, vigan.
3. fig., lart. Njeri shumë i shquar, që ka çarë rrugë të reja në një fushë të veprimtarisë shoqërore, të kulturës, të shkencës etj. dhe i ka sjellë shërbime të mëdha njerëzimit, njeri që dallohet për dhuntitë e tij të jashtëzakonshme; vigan, kolos, gjigant, mendjendritur. Titan i shkencës. Titanët e mendimit njerëzor.
✱Sin.: kolos, vigan, gjigant, mendjendritur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë