Fjalori

Rezultate në përkufizime për “menaxhim”

Mëso si ta përdorësh
<<< Kthehu te kërkimi kryesor në fjalor

ADMINISTRIM

ADMINISTRÍM,~I m., drejt. 1. Veprimi kur administroj ose kur administrohet diçka.
2. Organizim dhe drejtimi i punës në një fushë a në një degë të veprimtarive shtetërore, politike, shoqërore, ekonomike, kulturore, shkencore sipas rregullave dhe ligjeve në fuqi. Administrimi i të ardhurave (i banesave, i pronës, i tokave, i pasurisë minerare etj.). Administrimi i parasë së popullit. Parimet bazë të administrimit të ekonomisë. Administrim i burimeve natyrore.
3. Nëpunësi, autoriteti administrativ. Kontroll nga administrimi.
✱Sin.: qeverisje, udhëheqje, drejtoj, menaxhim, mbarështim, ndorim.

AGROEKONOMI

AGROEKONOMÍ,~A f., ek. Degë e shkencave ekonomike që studion ligjësitë e politikës ekonomike dhe zbatimin e tyre në fushën e bujqësisë ose të ekonomisë së zbatuar; fushë e ekonomisë që studion prodhimin bujqësor përmes proceseve të tilla, si menaxhim, organizim, konsultime afariste-biznesore, aplikim e zbatim i projekteve, përllogaritje financiare, hartim i planeve të punës si dhe administrim i kontabilitetit. Administrimi i agroekonomisë shtetërore. Mbështetja e agroekonomisë. Agroekonomi e zhvilluar.

AJROR

AJRÓR,~E mb. 1. Që ka të bëjë me ajrin, që i përket ajrit, i ajrit; që është i përbërë nga ajri, që ka ajër. Hapësira ajrore. Rrymë (masë) ajrore. Shtypje ajrore. Trysni ajrore. Gropë ajrore (av.). Oqeani ajror (libr.) atmosfera.
2. Që ndodhet në ajër, që nuk është mbi tokë, që nuk është i futur në tokë. Pjesa ajrore e bimës. Rrënjë ajrore (bot.).
3. Që ka të bëjë me fluturimin (lundrimin) në ajër; që ka të bëjë me mjetet për fluturimin në ajër ose që u shërben atyre; që bëhet nga ajri; kund. joajëror. Lundrim ajror. Fluturime ajrore. Rrugë ajrore. Qarkullim ajror. Transport ajror. Linja ajrore. Fluks ajror. Flota ajrore. Agjenci ajrore. Posta ajrore. Telefon ajror. Forcat ushtarake ajrore. Trafik ajror komercial. Vrojtim (zbulim) ajror. Sulm (bombardim) ajror. Alarm ajror. Kontroll i trafikut ajror. Shërbimet e navigacionit ajror. Rregullimi ekonomik i qarkullimit ajror. Shërbim special ajror. Patrullim ajror. Menaxhim i trafikut ajror. Kodi ajror.

AUTOPARK

AUTOPÁR/K,~KU m. sh. ~QE, ~QET Hapësirë e madhe për parkimin e automjeteve në zonat urbane, në mjedise të hapura ose të mbyllura; vend ku mbahen dhe ndreqen automjetet; park automobilistik. Makinat e autoparkut. Shoferët e autoparkut. Ofiçina e autoparkut. Autoparqe me teknologji moderne. Mbikëqyrje e autoparkut me sensorë për vendet e lira. Autoparqe në ambiente të hapura. Autoparqe të mbyllura (garazhe). Autoparqe me menaxhim automatik. Autopark publik (privat).

CERTIFIKUAR

CERTIFIKÚAR (i, e) mb., libr. Që është certifikuar. Eksperte e certifikuar në menaxhim projektesh. Personel i certifikuar.

DIABETOLOGJIK

DIABETOLOGJÍK,~E mb., mjek. Që ka të bëjë me diabetologjinë, i diabetologjisë. Analiza diabetologjike. Vlerësim diabetologjik ekzaminim ose kontroll i përqendruar te pacientët me diabet. Kujdes diabetologjik trajtim ose menaxhim mjekësor për diabet.

MBIKËQYRJE

MBIKËQÝRJ/E,~A f. sh. ~E, ~ET 1. Vëzhgim nga afër dhe me shumë kujdes i një personi a grupi personash, veçanërisht kur kemi një frikë apo dyshim; përkujdesje, ruajtje, survejim. Infermierja merrej me mbikëqyrja e të sëmurëve. Është nën mbikëqyrjen e mjekut. I la fëmijët pa mbikëqyrje. Tregohet kujdes për mbikëqyrjen e kufirit shtetëror. Zbatoj masat e mbikëqyrjes për të dënuarit.
2. Menaxhim dhe kontroll i dikujt a diçkaje. Mbikëqyrja e punimeve të rrugës. Arrij mbikëqyrjen e frymëmarrjes. Ndjek nga afër mbikëqyrjen e tregjeve. Mbikëqyrje bankare (bank.) përgjegjësia për të garantuar sigurinë dhe qëndrueshmërinë e sistemit bankar në tërësi.
✱Sin.: vëzhgim, përkujdesje, ruajtje, survejim, menaxhim, kontroll.

NASQERISJE

NASQERÍSJ/E,~A f. Amvisje, menaxhim, rregullim, pastrim i shtëpisë.

NAVASJE

NAVÁSJ/E,~A f. sh. ~E, ~ET Menaxhim; kullandrisje. Navasja e fermës.

NDORIM

NDORÍM,~I m. sh. ~E, ~ET Menaxhim, organizim; drejtim. U ankua për ndorim të keq nga autoritetet.

SHUMËVJEÇAR

SHUMËVJEÇÁR,~E mb. 1. Që zgjat a vijon shumë vjet, që kryhet vit pas viti; i gjatë. Projekt shumëvjeçar. Shërbim shumëvjeçar. Menaxhim shumëvjeçar. Studime (gjurmime kërkime, vëzhgime, përpjekje) shumëvjeçare. Ndërprerje shumëvjeçare.
2. Që nxirret në bazë të të dhënave të shumë vjetëve me radhë. Mesatarja shumëvjeçare.
3. bot. Që jeton dy a më shumë vjet (për bimët). Bimë (lule) shumëvjeçare. Rrap shumëvjeçar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë