Fjalori

Rezultate në përkufizime për “menaxher”

Mëso si ta përdorësh
<<< Kthehu te kërkimi kryesor në fjalor

AUTORITAR

AUTORITÁR,~E mb., pol. 1. Që ka të bëjë me autoritetin, që i përket autoritetit, i autoritetit; që lidhet me një sistem ose person që ushtron kontroll të rreptë dhe kufizon pjesëmarrjen demokratike apo të lirë të njerëzve në vendimmarrje; i pushtetshëm. Shtet (regjim) autoritar. Sistem autoritar. Qeveri autoritare. Figurë autoritare.
2. Që ushtron me rreptësi autoritetin e vet, që kërkon bindje pa fjalë; që shpreh një urdhër të prerë, që nuk lejon kundërshtim. Menaxher autoritar. Prind (njeri) autoritar. Qëndrim autoritar. Zë (ton) autoritar. Sjellje autoritare.

LINJËSUES

LINJËSÚES,~E mb. Që shërben për të vënë gjërat në një linjë ose për t’i harmonizuar ato. Një menaxher linjësues që siguron që të gjitha departamentet të punojnë në harmoni

MENAXHER

MENAXHÉR,~I m. sh. ~Ë, ~ËT 1. Ai që ka si përgjegjësi të kontrollojë dhe të administrojë një biznes apo një organizatë. Përgjegjësia kryesore i rëndonte menaxherit.
2. Ai që ka marrë përsipër të zgjidhë dhe të administrojë çështjet e punës së një artisti, të një sportisti etj. Menaxheri i këngëtarit.
3. Ai që ka aftësi të mira për të drejtuar dhe për të kontrolluar diçka. Mësimdhënësi është menaxher i orës së mësimit.

MENAXHUES

MENAXHÚES,~I m. sh. ~, ~IT Ai që menaxhon diçka a dikë; menaxher. Aplikacioni i ri do të jetë menaxhuesi më i mirë i librave elektronikë. Menaxhuesi kryen një grup të caktuar shërbimesh të menaxhimit të përditshëm.

NDORUES

NDORÚES,~I m. sh. ~, ~IT Menaxher.

TEKNOMENAXHER

TEKNOMENAXHÉR,~I m. sh. ~Ë, ~ËT Menaxher (drejtues) në sektorin e teknologjisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë