Fjalori

Rezultate në përkufizime për “memorie”

Mëso si ta përdorësh
<<< Kthehu te kërkimi kryesor në fjalor

AUKSILIAR

AUKSILIÁR,~E mb., spec. Që ndihmon, që mbështet ose që plotëson një proces, një funksion kryesor, një veprimtari ose një sistem. Libra auksiliarë tregtie. Trupa auksiliare. Njësitë auksiliare. Veprimtari auksiliare. Personel auksiliar. Makinë auksiliare. Motor auksiliar. Pajisje auksiliare. Memorie auksiliare (inf.). Folje auksiliare.
✱Sin.: ndihmës, mbështetës, plotësues.

KUJTESË

KUJTÉS/Ë,~A f. 1. Aftësia e njeriut për të mbajtur mend dhe për të riprodhuar atë që ka parë, që ka dëgjuar, që ka lexuar etj.; mundësia e dikujt për ta përdorur këtë aftësi në punën e përditshme; memorie. Kam kujtesë. Ushqimi (gjimnastika e trurit) përmirëson kujtesën.
2. Shkalla dhe llojshmëria e kësaj aftësie. Kujtesë e fortë. Kujtesë pamore (dëgjimore). Kujtesë intelektuale.
3. Aftësia dhe rezultati i punës së inteligjencës artificiale. Kujtesa e robotit.
♦ E fshij (e shlyej) nga kujtesa (dikë a diçka) e harroj përgjithmonë; nuk kujtohem fare më për të; nuk do ta kujtoj më; e fshij (e shlyej) nga mendja; e heq (e fshij) nga koka.

MBAMENDJE

MBAMÉNDJ/E,~A f. 1. Aftësia për të ruajtur informacionin në tru dhe për ta aktivizuar atë më pas, kujtesë, memorie. Forcoj mbamendjen. Humb mbamendjen.
2. Kujtesa si bashkësi mendimesh, kujtimesh etj. të ruajtura në trurin e njeriut; depozitë kujtimesh në mendje. Rregullat i kishte të skalitura në mbamendje.
✱Sin.: kujtesë, memorie.

MEMORIE

MEMÓRI/E,~A f. sh. ~E, ~ET 1. Kujtesë, mbamendje. Këshilla për të pasur një memorie më të shëndetshme.
2. kompj. Pajisje fizike që përdoret për të ruajtur të dhëna digjitale. Teknikisht ekzistojnë dy lloje të memories kompjuterike. Ruajtja e të dhënave në memoriet e kompjuterëve.
3. kompj., vet. nj. Kapaciteti i ruajtjes së të dhënave digjitale në një pajisje të posaçme fizike. Mori një kompjuter që e ka memorien 500 GB.

MEMORIZIM

MEMORIZÍM,~I m. sh. ~E, ~ET 1. Ruajtje të dhënash në kujtesën e njeriut ose të një pajisjeje digjitale. Bëhet memorizimi i të dhënave në skedarë të ndryshëm të kompjuterit.
2. Aftësia për të ruajtur diçka në memorie. Ai kishte memorizim të fortë.

MEMORIZOHET

►MEMORIZ/ÓHET jovep., ~ÚA (u), ~ÚAR vet. v. III 1. vetv. Mund të ruhet në kujtesën e njeriut ose të një pajisjeje digjitale; ka aftësinë që të ruhet në memorie. Sot gjithçka memorizohet.
2. pës. e MEMORIZÓJ. Rima dhe ritmi i bëjnë proverbat të memorizohen më lehtë.

MEMORIZOJ

MEMORIZ/ÓJ vep., ~ÓVA, ~ÚAR kal. 1. E ruaj në kujtesën time. Memorizoj përvoja të reja.

2. E mësoj përmendsh një fjali, një tekst etj. E memorizoi përnjëherësh paragrafin.

3. kompj., vet. v. III E ruan në memorie (për kompjuterin a për një pajisje tjetër digjitale që e ka këtë aftësi). Një qark që memorizon dhe përpunon të dhënat.

ZGJERUESHËM

ZGJERUÉSH/ËM (i) ~ME (e) Që mund të zgjerohet, që mund të bëhet më i gjerë. Memorie e zgjerueshme (kompj.). Sferë jo e zgjerueshme. Hapësirë ruajtëse e zgjerueshme (kompj.). Të dhënat e reja e bëjnë projektin më të zgjerueshëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë