Fjalori

Rezultate në përkufizime për “mbudhem”

Mëso si ta përdorësh
<<< Kthehu te kërkimi kryesor në fjalor

MBUDHJE

MBÚDHJ/E,~A f. Veprimi kur mbudh dikë ose kur mbudhem.

PËRUDHEM

►PËRÚDH/EM jovep., ~A (u), ~UR 1. vetv. Vihem për udhë.
2. fig., vetv. Vihem në udhë të mbarë.
3. pës. e PËRÚDH.
✱Sin.: udhohem, mbudhem, sëmbarem, tumbarem.

RRUGOHEM

►RRUG/ÓHEM jovep., ~ÓVA (u), ~ÚAR vetv. 1. Nisem për rrugë; rrugëtoj, mbudhem. U rrugua qëmenatë.
2. fig. Pajtohem me zgjidhjen që jepet për një çështje a për një mosmarrëveshje që kam me dikë tjetër. Ishin rruguar për të gjitha problemet.

TAKOHEM

►TAK/ÓHEM jovep., ~ÓVA (u), ~ÚAR 1. vetv. Ndeshem a përshëndetem me dikë rastësisht a papritur në udhë a diku tjetër; gjendem në të njëjtën kohë dhe në të njëjtin vend me dikë; hasem, U takova me të në treg (në aeroport). U takuan rastësisht.
2. vetv. I japim dorën njëri-tjetrit kur kemi lënë një takim. U takua me shokun (me mikun, me një të njohur). Takohen çdo ditë.
3. vetv. Piqem me dikë që njoh dhe qëndroj për njëfarë kohe me të. Takohem me një shok (me një shoqe). Takohem me miqtë. U takuan në mbrëmje.
4. vetv. Paraqitem te dikush a pres dikë për t’i dhënë, për t’i thënë a për t’i kërkuar diçka.; mblidhem me të tjerë për të vendosur për diçka. Takohemi me shokët. Takohet me zgjedhësit. Takohen me kryetarin (me ministrin, me shkrimtarin). Takohet me avokatin.
5. vetv., vet., v. III Puqet një gjë me një tjetër; afrohen dy a më shumë gjëra sa të puqen; bashkohen dy a më shumë gjëra. Takohen çatitë (majat e pemëve). Takohen anët (buzët) e dy dërrasave. Takohen dy shkronja. Takohet t-ja me h-në dhe formojnë th-në. Tek emrat e njerëzve, kur takohet t-ja me h-në, nuk vihet apostrof (Mithat, Ethem dhe lexohen Mit’hat, Et’hem). Ku takohet qielli me tokën ku duket sikur qielli prek tokën; horizonti. Drini i Bardhë dhe Drini i Zi takohen pranë qytetit të Kukësit. Mali me mal s’takohet, njeriu me njeriun takohet. (fj. u.).
6. vetv., vet., v. III Ndeshet diçka në jetë, në punë etj., haset, del përpara. Mund të takohen disa vështirësi (pengesa). Takohen dukuri të panjohura. Takohet nganjëherë (shpesh, rrallë).
7. sport., vetv. Ndeshem me një tjetër, zhvilloj një garë sportive me dikë, luaj me dikë. Skuadrat u takuan në fushë asnjanëse.
8. pës. e TAKÓJ.
✱Sin.: mbudhem, ndeshem, përshëndetem, piqem, tokem, zatetem, ceket, puthitet, haset, përballem.

TESHEM

►TÉSH/EMI jovep., ~A (u), ~UR 1. vetv. Takohem rastësisht me dikë, ndeshem, pjek dikë në udhë. U teshën në udhë. U tesha dje. S’jemi teshur këto kohët e fundit. Teshemi çdo mëngjes dhe pimë kafe.
2. vetv. Zihem ngushtë (keq), s’kam nga t’ia mbaj, nuk di ç’të bëj. Është teshur keq, s’di se çfarë duhet të bëjë.
3. vetv., vet. v. III Zihen, ndeshen, përplasen (zakonisht për deshtë). U teshën deshtë. Mos u fut në mes, kur teshen deshtë. (fj. u.).
4. vetv. Mërzitem, lodhem (nga diçka). Ishte teshur shumë nga puna.
5. pës. e TESHI.
✱Sin.: ndeshem, piqem, mbudhem, takohem, ndeshem, përplasem.

UDHOHEM

►UDH/ÓHEM jovep., ~ÓVA (u), ~ÚAR vetv. Futem në rrugë të mbarë, hyj në brendinë e një çështjeje për ta kuptuar, mbudhem. Nuk udhohet ajo.
✱Sin.: mbudhem, përudhem, mësoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë