Fjalori

Rezultate në përkufizime për “mbrydhet”

Mëso si ta përdorësh
<<< Kthehu te kërkimi kryesor në fjalor

BËLTUCEM

►BËLTÚC/EM jovep., ~(u), ~UR 1. vetv., vet. v. III Zbutet shumë, shtypet e bëhet si qull a si pelte, squllet. U bëltucën dardhat.
2. vetv., vet. v. III Shtypet në një vend, bëhet gropë nga një goditje (për enët e metalta). U bëltuc kusia.
3. vetv. Bie nga shëndeti, më ka ikur fuqia (nga pleqëria, nga ndonjë sëmundje etj.), nuk më bëjnë gjunjët, rrëgjohem, plakem. Është bëltucur e tretur në fytyrë.
4. pës. e BËLTÚC.
✱Sin.: zbutet, butësohet, brumëzohet, baltet, zbrumohet, brydhet, mbrydhet, squllet, dyllëçitet, qullohet, tutëlohet, sqaqet.

NDULKET

►NDÚLK/ET jovep., ~ (u), ~UR vetv., vet. v. III Piqet e zbutet pak nga pak, pasi është këputur nga pema (për frutat). U ndulkën vadhëzat (mushmollat, dardhët).
✱Sin.: piqet, zbutet, squllet, brydhet, mbrydhet, ficet, zhunget, zbruhet, mbretet.

SQULLEM

►SQÚLL/EM jovep., ~A (u), ~UR 1. vetv. Lagem shumë. U squll më shumë se duhet brumi që kishin zënë. Ishin squllur thasët e miellit që kishin lënë jashtë.
2. vet. v. III Bëhet si qull. Ushqimi ishte squllur, askush nuk e futi në gojë. Makaronat u squllën e u ngjitën njëra me tjetrën.
3. Bëhem i plogët; plogështohem. U squll nga sëmundja. Ishte squllur e plogështuar nga mosha.
4. pës. e SQULL. U squllën zarzavatet që kishin harruar pa mbledhur në kopsht.
✱Sin.: zbruhet, qullohet, qulloset, qulltohet, tejpiqet, ajkoset, baltet, kalbet, brumëzohet, zbutet, ndulket, brydhet, dyllëçitet, mbrydhet, lëngësohet, mbretet, ficet, jargoset, jargëzohet, flashkem, këlbazem.

ZBRUHEM

►ZBRÚ/HEM jovep. ~JTA (u), ~JTUR 1. vetv., vet. v. III Bëhet i butë si brumë, zbutet diçka e fortë a e thatë. Zbruhen dardhat (ftonjtë). Edhe pjeprin, po ta lesh shumë kohë në diell, zbruhet dhe s’hahet më. Iu zbrujtën duart.
2. fig., vetv. Ligështohem, bëhem i dobët e i pafuqishëm; bëhem më i butë, zbutem. I është zbrujtur karakteri (vullneti). Është zbrujtur ca kohët e fundit. Ç’më je zbrujt e ligështue, / Moj e mira e nanës-o. (folk.). Muzgu u zbrujt krejt. Poeti u zbut e u zbrujt si rrallëherë. U zbrujta prej ngashërimeve.
3. pës. e ZBRUJ. Është zbrujtur nga shiu. Toka u zbrujt shpejt. Gruri zbruhet me ujë.
✱Sin.: brumëzohet, brumohet, zbrumohet, zbutet, brydhet, mbrydhet, ndulket, baltet, squllet, dyllëçitet, sqaqet, tutëlohet, lëshohem, shkrehem, ligështohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë