Fjalori

Rezultate në përkufizime për “mbizotëruar”

Mëso si ta përdorësh
<<< Kthehu te kërkimi kryesor në fjalor

DOMINUAR

DOMINÚAR (i, e) mb., libr. Që është në kontroll të plotë nga dikush a nga diçka; i mbizotëruar. Sistem politik i dominuar nga një person i vetëm me politikën e tij. Sezon i dominuar nga nxehtësia. Eksport kryesisht i dominuar nga produktet bujqësore.

MBIZOTËROJ

MBIZOTËR/ÓJ vep., ~ÓVA, ~ÚAR 1. jokal. Zë vendin kryesor, kam epërsi mbi të tjerët, zotëroj mbi gjithë të tjerët (për dikë). Ai dëshiron të mbizotërojë në çdo situatë. Në disa rrethe mbizotërojnë moshat e vjetra për shkak të emigracionit.
2. jokal. dhe kal., vet. v. III Është gjëja kryesore që dallohet, bie në pah më shumë se pjesa tjetër, zotëron çdo gjë përreth, shquhet, sundon, mbisundon (për diçka). Qyteza mbizotëron gjithë vendin. Një tërësinë e veglave muzikore mbizotëronin daullet. Teknologjia po mbizotëron çdo aspekt të jetës. Në veshjen e saj mbizotëron thjeshtësia dhe eleganca. Kudo mbizotëron bardhësia e dëborës. Mbizotëronte një qetësi e madhe.
3. kal. E bëj zap, e vë nën kontroll dikë ose diçka, sundoj. Po mundohet t’i mbizotërojë instinktet. Mëshira ka mbizotëruar zemërimin e tij.

MBIZOTËRUAR

MBIZOTËRÚAR (i, e) mb. Që është mbizotëruar ose që mbizotërohet. Ekziston një brez shumë i gjerë ranor, i mbizotëruar nga dy breza bimësie.

POLITIZËM

POLITÍZ/ËM,~MI m. Vendosja e politikës në qendër të të menduarit dhe të perceptimit të botës; sistemi i të menduarit i mbizotëruar nga politika.

PREVALUAR

PREVALÚAR (i, e) mb. I mbizotëruar, i mbisunduar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë