Fjalori

Rezultate në përkufizime për “mbisundim”

Mëso si ta përdorësh
<<< Kthehu te kërkimi kryesor në fjalor

HEGJEMONI

HEGJEMÓNÍ,~A f. Të qenët hegjemon. Hegjemoni politike (ekonomike, ushtarake). Hegjemoni botërore. Lufta për hegjemoni.
✱Sin.: udhëheqje, drejtim, sundim, mbisundim, zotërim, mbizotërim, qeverisje, epërsi, mbretërim, nënshtrim.

MBISUNDIM

MBISUNDÍM,~I m. 1. Veprimi dhe gjendja sipas kuptimit kur mbisundoj dikë ose diçka ose kur mbisundohem. Mbisundimi i industrisë së rëndë. Mbisundimi i idesë kombëtare. Mbisundimi i së resë. Mbisundimi i së kuqes në ngjyrat e tjera.
2. Epërsi, mbizotërim. Mbisundim i plotë.

MBIZOTËRIM

MBIZOTËRÍM,~I m. 1. Veprimi dhe gjendja kur mbizotëroj. Mbizotërimi i dukurive natyrore të njohura. Mbizotërimi i zhurmës në zonat urbane. Mbizotërimi i pronës private.
2. Sundim i plotë, mbisundim. Ngatërrohen në punët e tyre të brendshme që të zgjasin mbizotërimin mbi ta.
3. Epërsi mbi dikë a mbi diçka, të qenët mbi të tjerët nga rëndësia. Mbizotërim i plotë (i madh).

PREVALIM

PREVALÍM,~I m. sh. ~E, ~ET 1. Veprim kur prevalon ose prevalohem.
2. Epërsi, mbizotërim, mbisundim.

SUNDIM

SUNDÍM,~I m. sh. ~E, ~ET 1. vet. nj. Veprimi kur sundoj a sundohem. Sundimi i një vendi për një kohë të gjatë. Sundimi i natyrës. Nuk e kishte të mundur sundimin i vetes. Kishin përdorur çdo mjet sundimi. Lufta për sundim kishte qenë mizore.
2. vet. nj. Ushtrimi i pushtetit në një vend, koha sa qëndron në pushtet dikush. Sundimi i sulltanëve. Ishte në vitet e fundit të sundimit.
3. Pushteti mbi një vend a popull të nënshtruar; periudha gjatë së cilës një vend a një popull është i pushtuar e nën zgjedhë. Sundimi i huaj. Sundimi kolonial. I mbajtën gjatë nën sundim. U çliruan nga sundimi i huaj me luftë.
4. vet. nj. Mbizotërimi i diçkaje në krahasim me të tjerat, pushteti i plotë i diçkaje; shfrytëzimi i diçkaje sipas kërkesave e nevojave të mia. Sundimi i njeriut mbi natyrën.
✱Sin.: robëri, shtypje, shfrytëzim, zgjedhë, kular, pranga, kthetër, mbretërim, qeverisje, zotërim, mbisundim, nënshtrim, përmbajtje, mbajtje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë