Fjalori

Rezultate në përkufizime për “mbingarkuar”

Mëso si ta përdorësh
<<< Kthehu te kërkimi kryesor në fjalor

MBINGARKOHEM

►MBINGARK/ÓHEM jovep., ~ÓVA (u), ~ÚAR 1. vetv. Marr mbi vete punë ose detyra jashtë masës së zakonshme, ngarkohem tepër; kund. nënngarkohem. Mbingarkohej me punë.
2. vet. v. III Mbushet një pemë etj. plot, ngarkohet më tepër se zakonisht, aq sa mund të thyhet, të këputet etj. Janë mbingarkuar pemët me kokrra.
3. pës. e MBINGARKÓJ.

MBINGARKOJ

MBINGARK/ÓJ vep., ~ÓVA, ~ÚAR kal. 1. Ngarkoj një kafshë a një automjet më shumë se sa duhet të mbajë rregullisht, i vë një barrë më të madhe se ngarkesa e zakonshme, e ngarkoj tepër, jashtë masës; kund. nënngarkoj. E mbingarkoi kalin. Mbingarkoj makinën (kamionin).
2. fig. E ngarkoj dikë me punë a me detyra më të rënda a më të shumta se sa duhet të kryejë rregullisht ose se sa mund të përballojë zakonisht, e ngarkoj tepër, jashtë masës; kund. nënngarkoj. E mbingarkoi me punë (me detyra).
3. fig. I shtoj një shkrimi, një vepre etj. gjëra të tepërta, të panevojshme ose të vështira për t’u përvetësuar a përballuar. E mbingarkoi tekstin (programin). E ka mbingarkuar pikturën (skulpturën).

MBINGARKUAR

MBINGARKÚAR (i, e) mb. 1. Që është ngarkuar tepër, jashtë masës; kund. i nënngarkuar. Makinë e mbingarkuar me mall.
2. fig. Që është ngarkuar me punë ose me detyra më të rënda a më të shumta se sa duhet të kryejë rregullisht ose se sa mund të përballojë zakonisht; kund. i nënngarkuar. Nxënës (mësues) i mbingarkuar.
3. fig. Që i janë shtuar gjëra të tepërta, të panevojshme ose të vështira për t’u përvetësuar a përballuar. Plan i mbingarkuar. Tekste të mbingarkuara.
4. si em. m. e f. Ai ose ajo që është mbingarkuar. Dietë për të mbingarkuarit me punë.

MBINGJESHUR

MBINGJESHÚR (i, e) mb. Që është ngjeshur më shumë nga sa duhet, që është mbingjeshur; i mbingarkuar. Zonë me popullsi të dendur dhe të mbingjeshur.

MBIPOPULLSI

MBIPOPULLSÍ,~A f. Popullsi tepër e mbingarkuar në një zonë të caktuar.

NËNNGARKUAR

NËNNGARKUAR (i, e) mb. 1. Që është nënngarkuar; që është ngarkuar pak; kund. i mbingarkuar.
2. si em. m. e f. Sipas kuptimit të mbiemrit.

NËNNGARKUAR

NËNNGARKÚAR,~IT (të) as. Nënngarkim, nënngarkesë; kund. të mbingarkuar.

TEJNGARKUAR

TEJNGARKÚAR (i, e) mb. 1. Që është ngarkuar tepër, jashtë mase; i mbingarkuar. Kamion i tejngarkuar. Rrugë të tejngarkuara me automjete. Rrjet elektrik (ujor, rrugor) i tejngarkuar.
2. fig. Që ka aq punë sa nuk i mbetet aspak kohë e lirë; i mbingarkuar. Në sesion provimesh studentët janë të tejngarkuar.
3. Që janë shtuar gjëra të tepërta, të parëndësishme a të panevojshme; i mbingarkuar; kund. i thjeshtuar. Plan i tejngarkuar. Tekste (leksione) të tejngarkuara.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë