Fjalori

Rezultate në përkufizime për “mbingarkoj”

Mëso si ta përdorësh
<<< Kthehu te kërkimi kryesor në fjalor

BARROS

BARRÓS vep., ~A, ~UR kal. 1. bised. E ngarkoj me një peshë, i vë një barrë. E barrosi kafshën. - Hajde, barrose mushkën!
2. fig. E ngarkoj një tekst, një mësim etj. me njohuri të tepërta e të vështira për moshën e fëmijëve; mbingarkoj, vështirësoj.
3. I rëndoj me diçka. Balta i barrosi këmbët.
4. bised. I vë dikujt një detyrë, i ngarkoj një barrë, i jap një përgjegjësi; e rëndoj dikë me një detyrim. E barrosi me taksa. Të urtin e barrosin të gjithë. (fj. u.).

MBINGARKESË

MBINGARKÉS/Ë,~A f. sh. ~A, ~AT 1. Ngarkesë që e tejkalon masën e lejuar ose që i shtohet një ngarkese të zakonshme; ngarkesë e tepërt (edhe fig.); kund. nënngarkesë. Mbingarkesë e madhe e makinës (e numrit të punonjësve). Mbingarkesë e dekoreve. Mbingarkesë e ndjenjave. Mbingarkesë mësimore. Mbingarkesë në punë. Mbingarkesë mallrash. Mbingarkesë ngarkim-shkarkimi në port. Përballimi i mbingarkesave.
2. Veprimi dhe gjendja kur mbingarkoj dikë a diçka ose kur mbingarkohem; mbingarkim; kund. nënngarkesë. Problemi më i mprehtë është konsideruar mbingarkesa e sistemit të shpërndarjes së energjisë elektrike.

MBINGARKIM

MBINGARKÍM,~I m. 1. Veprimi kur mbingarkoj ose mbingarkohem; kund. nënngarkim. Mbingarkimi i automjeteve. Mbingarkimi i nxënësve me projekte (detyra shtëpie, mësime). Mbingarkimi i programit kompjuterik.
2. Ngarkesë e tepruar, mbingarkesë; kund. nënngarkim. Ka mbingarkim.

MBINGARKOJ

MBINGARK/ÓJ vep., ~ÓVA, ~ÚAR kal. 1. Ngarkoj një kafshë a një automjet më shumë se sa duhet të mbajë rregullisht, i vë një barrë më të madhe se ngarkesa e zakonshme, e ngarkoj tepër, jashtë masës; kund. nënngarkoj. E mbingarkoi kalin. Mbingarkoj makinën (kamionin).
2. fig. E ngarkoj dikë me punë a me detyra më të rënda a më të shumta se sa duhet të kryejë rregullisht ose se sa mund të përballojë zakonisht, e ngarkoj tepër, jashtë masës; kund. nënngarkoj. E mbingarkoi me punë (me detyra).
3. fig. I shtoj një shkrimi, një vepre etj. gjëra të tepërta, të panevojshme ose të vështira për t’u përvetësuar a përballuar. E mbingarkoi tekstin (programin). E ka mbingarkuar pikturën (skulpturën).

NËNNGARKOJ

NËNNGARK/ÓJ vep., ~ÓVA, ~ÚAR kal. Ngarkoj një kafshë a një automjet më pak se sa duhet të mbajë rregullisht; i vë një barrë të vogël; kund. mbingarkoj. Nënngarkoj kalin.
2. fig. E ngarkoj dikë me punë a me detyra më të lehta a më të pakta se sa duhet të kryejë rregullisht ose se sa mund të përballojë zakonisht. Për shkak të shëndetit e kanë nënngarkuar me punë.

TEJNGARKOJ

TEJNGARK/ÓJ vep., ~ÓVA, ~ÚAR kal. Ngarkoj më tepër nga sa mban; mbingarkoj. Tejngarkoj kamionin. Tejngarkoj kalin. Tejngarkoj dikë me punë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë