Fjalori

Rezultate në përkufizime për “mbingarkim”

Mëso si ta përdorësh
<<< Kthehu te kërkimi kryesor në fjalor

BARROSJE

BARRÓSJ/E,~A f. 1. Veprimi kur barros dikë a kur barrosem; marrja mbi vete e një barre a e një detyre.
2. Ngarkim me barrë të panevojshme, mbingarkim. S’kishte moshë për barrosje të tilla.

MBINGARKESË

MBINGARKÉS/Ë,~A f. sh. ~A, ~AT 1. Ngarkesë që e tejkalon masën e lejuar ose që i shtohet një ngarkese të zakonshme; ngarkesë e tepërt (edhe fig.); kund. nënngarkesë. Mbingarkesë e madhe e makinës (e numrit të punonjësve). Mbingarkesë e dekoreve. Mbingarkesë e ndjenjave. Mbingarkesë mësimore. Mbingarkesë në punë. Mbingarkesë mallrash. Mbingarkesë ngarkim-shkarkimi në port. Përballimi i mbingarkesave.
2. Veprimi dhe gjendja kur mbingarkoj dikë a diçka ose kur mbingarkohem; mbingarkim; kund. nënngarkesë. Problemi më i mprehtë është konsideruar mbingarkesa e sistemit të shpërndarjes së energjisë elektrike.

MBINGARKIM

MBINGARKÍM,~I m. 1. Veprimi kur mbingarkoj ose mbingarkohem; kund. nënngarkim. Mbingarkimi i automjeteve. Mbingarkimi i nxënësve me projekte (detyra shtëpie, mësime). Mbingarkimi i programit kompjuterik.
2. Ngarkesë e tepruar, mbingarkesë; kund. nënngarkim. Ka mbingarkim.

MBINGARKUAR

MBINGARKÚAR,~IT (të) as. Mbingarkim, mbingarkesë; kund. të nënngarkuar. Problemet që sjell të mbingarkuarit e shtyllës kurrizore me pesha.

NËNNGARKIM

NËNNGARKÍM,~I m. sh. ~E, ~ET 1. Veprimi kur nënngarkoj a kur nënngarkohem; kund. mbingarkim. Nënngarkimi i punonjësve me punë gjatë verës.
2. Ngarkesë e pamjaftueshme, nënngarkesë. Ka nënngarkim këto kohë, mund ta bëjë dhe këtë.

TEJNGARKIM

TEJNGARKÍM,~I m. sh. ~E, ~ET Mbingarkim, mbingarkesë. Tejngarkim i kamionit (i kalit). Tejngarkimi i njerëzve me punë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë