Fjalori

Rezultate në përkufizime për “mbartëse”

Mëso si ta përdorësh
<<< Kthehu te kërkimi kryesor në fjalor

BARTËSE

BÁRTËS/E,~JA f. sh. ~E, ~ET Mbartëse. Bartëse kryesore. Bartëse të kulturës. Bartëse e ideve të reja. Bartëse e sovranitetit. Bartëse e një pasurie të madhe. Bartëse fatkeqësish.

MBARTËS

MBÁRTËS,~E mb. Që shërben për të mbartur diçka; që lidhet me mbartjen, i mbartjes. Kafshë mbartëse. Mjete mbartëse. Mushkonjë mbartëse e mikrobit të malaries. Aftësia mbartëse. I tejkalon kapacitetet mbartëse të ekosistemeve.

MBARTËSE

MBÁRTËS/E,~JA f. sh. ~E, ~ET Ajo që mbart diçka. Mbartëse mikrobesh. Mbartëse e jetës. Mbartëse e së resë.

MORFEMË

MORFÉM/Ë,~A f. sh. ~A, ~AT gjuh. Njësia më e vogël e kuptimshme në përbërjen e fjalës, e cila është mbartëse e kuptimeve leksikore (rrënja, parashtesat, prapashtesat) ose e kuptimeve gramatikore (mbaresat). Morfemat fjalëformuese ndajshtesat (parashtesat e prapashtesat). Morfemat trajtëformuese mbaresat. Morfema leksikore rrënja dhe ndajshtesat fjalëformuese.

NDËRBARKJE

NDËRBÁRKJ/E,~A f. sh. ~E, ~ET Pjesë e samarit të kafshëve mbartëse, një litar ose një rrip që kalohet nën bark të gomarit a të mushkës për ta mbajtur samarin që të mos anohet gjatë udhës; nënbarkëz. Ndërbarkja e kalit (e pelës).
✱Sin.: nënbarkëz, nënbarke, palldëm, qingël.

PËRÇUESE

PËRÇÚES/E,~JA f. sh. ~E, ~ET 1. Ajo që i prin dikujt në një punë, ajo që e udhëheq dikë në një veprim etj.; ajo që i tregon rrugën dikujt (edhe fig.).
2. Ajo që drejton një mjet transporti.
3. Ajo që bëhet mbartëse, përhapëse e propaganduese e një ideje, e një ideologjie etj. në popull a në një rreth të gjerë njerëzish; ajo që çon e përhap diku një ide a një vijë politike.

STREHUESE

STREHÚES/E,~JA f. sh. ~E, ~ET Ajo që fsheh dhe mban dikë në shtëpinë e vet për ta ndihmuar që t'u shpëtojë ndjekjeve, armiqve ose për shkak të krimeve a të veprimtarisë armiqësore që ka kryer e kryen. Strehuese e refugjatëve. Strehueset kishin marrë shumë përgjegjësi mbi vete.
✱Sin.: bartëse, mbartëse.

TELEFERIK

TELEFERÍK,~U m. sh. ~Ë, ~ËT Mjet transporti, zakonisht në vise malore, që përbëhet nga një kabinë a mbartëse, e cila lëviz në ajër me ndihmën e një makaraje, e varur në një litar prej metali; tërkuzore. Teleferik për udhëtarë (për mallra). Hipi në teleferik. Shkojmë me teleferik. U ngjitën me teleferik. Udhëtoi me teleferik. Teleferiku i Dajtit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë