Fjalori

Rezultate në përkufizime për “mbërdhezem”

Mëso si ta përdorësh
<<< Kthehu te kërkimi kryesor në fjalor

MBËRDHEZJE

MBËRDHÉZJ/E,~A f. Gjendja kur mbërdhez dikë ose kur mbërdhezem.

NDIZEM

►NDÍZEM jovep., NDÉZ (u), NDÉZUR 1. vetv., vet. v. III Merr zjarr, fillon të digjet, merr flakë; kund. shuhet, fiket. U ndez zjarri. U ndez një mullar. U ndez furra (soba). Ndizet plehu (pambuku, mielli etj.) fillon të digjet vetvetiu pak nga pak. U ndez vendi.
2. vetv., vet. v. III Fillon të japë dritë; kund. shuhet, fiket. U ndezën dritat. Nuk ndizet llamba. U ndez neoni.
3. vetv., vet. v. III Fillon të punojë diçka që ushqehet me rrymë elektrike, me bateri ose me një motor; kund. shuhet, fiket. U ndez motori. U ndez makina. U ndez celulari (kompjuteri).
4. vetv., vet. v. III Fillon të shkëlqejë tepër, shkreptin (për sytë). Iu ndezën sytë nga zemërimi.
5. vetv. Fillon të ketë shumë të nxehtë; skuqet. Iu ndezën faqet. U ndez në fytyrë. M’u ndezën këmbët. Iu ndez balli (koka). U ndez për ujë ka shumë etje nga të nxehtët e madh.
6. fig., vetv., vet. v. III Nis të zhvillohet diçka me vrull, fillon me hov, merr zjarr. U ndez biseda. U ndez një diskutim (një grindje, një sherr). U ndez beteja (lufta). U ndez vallja. U ndez pushka.
7. fig., vetv. Më rrëmben një ndjenjë e fortë, marr zjarr; zemërohem, më hipën inati. Ndizet shpejt. U ndez nga inati. U ndez më keq. Prit, mos u ndiz! Gjaku i ishte ndezur.
8. fig., vetv., vet. v. III Nis të shfaqet me vrull (një ndjenjë); e pushton një ndjenjë e fortë (për zemrën). Iu ndez dashuria. Iu ndez dëshira. Iu ndez zemra.
9. Vjen kafsha në afsh, bëhet gati për t’u ndërzyer.
10. pës. e NDEZ.
✱Sin.: kallem, përflaket, shkrepet, afshohet, nxehet, hamullon, zë, shkreptin, zjarrtiset, zhezhitet, prishet, digjet, ndriçon, lëshohet, shkëlqen, ndrit, përndizet, skuqet, nis, hapet, gjallërohet, zemërohem, inatosem, shkrehet, mbërdhezem, shfaqet, pushtoj, kaploj, përçitet, hakërrohet, ngridhet.
♦ Iu ndez (iu avullua) *gjaku (dikujt). U ndezën (u nxehën) *gjakrat. Iu ndez *koka (dikujt). Iu ndezën *sytë (dikujt). Ia ndez *zemrën (flakë) (dikujt). Më ndizet *zemra (flakë) (për dikë).

NXEHEM

►NXÉH/EM jovep., ~A (u), ~UR 1. vetv., vet. v. III Bëhet i nxehtë a më i nxehtë; i ngrihet shumë temperatura, fiton nxehtësi; kund. ftohet. U nxeh masha (hekuri). U nxeh shumë uji. Duhet të nxehet më shumë. U nxeh priza.
2. vetv. Marr nxehtësi, duke qëndruar në diell, pranë zjarrit, duke lëvizur etj. Nxehem pranë zjarrit. U nxeh tepër në diell. U nxehëm duke ecur. Ishin nxehur nga udha. U nxeh duke punuar tokën me bel.
3. fig., vetv. Zemërohem, humbas gjakftohtësinë. Nxehet për hiçgjë. Mos u nxeh! Nxehet shpejt. M’u nxeh gjaku.
4. pës. e NXÉH. Ambienti u nxeh shumë.
✱Sin.: ngrohet, avullohem, thekem, përavullohem, mbërdhezem, zemërohem, skuqem.
♦ Iu nxeh *gjaku (dikujt). U nxehën (u ndezën) *gjakrat.

SAKARRUQEM

SAKARRÚQ/EM jovep., ~A (u), ~UR vetv. Skuqem në fytyrë. Ishte sakarruqur prej temperaturës. Pse sakarruqesh kur flet.
✱Sin.: kuqem, ndizem, përndizem, flakërohem, mbërdhezem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë