Fjalori

Rezultate në përkufizime për “mataroj”

Mëso si ta përdorësh
<<< Kthehu te kërkimi kryesor në fjalor

AMVIS

AMVÍS vep., ~A, ~UR kal. Bëj punët e shtëpisë (gatuaj, pastroj etj.); rregulloj e kujdesem për shtëpinë. Amvisa punët e kuzhinës. Amvis tërë ditën.
✱Sin.: rregulloj, mataroj, mbarështoj, amvisëroj, amvisoj, rangoj.

ARANZHOJ

ARANZHÓ/J vep., ~ÓVA, ~ÚAR libr., kal. Organizoj, rregulloj, sistemoj ose përshtat diçka me qëllim estetik ose funksional; vë ose vendos në rregull diçka; përgatis me kujdes diçka. Aranzhoj udhëtimin. Aranzhoj një mbledhje. Aranzhoj një intervistë me gazetarin. Aranzhoj sallën e dasmës. Aranzhoj tryezën e ushqimit. Aranzhoj lulet. Aranzhoj një kompozim.
✱Sin.: rregulloj, organizoj, sistemoj, ndreq, mbarështoj, mataroj, zbukuroj, përgatis, planifikoj, përshtat, përpunoj.

BABOVIT

BABOVÍT (BABOVÍS) vep., ~A, ~UR kal. 1. Rregulloj, qeveris shtëpinë, amvis. Babovita shtëpinë.
2. I jap dikujt të hajë, e vesh dikë, e mbath, e bëj gati. Mezi i baboviste fëmijët.
✱Sin.: rregulloj, amvis, ndreq, ftilloj, krahishtoj, sistemoj, qeversis, mataroj, kullandris, ujdis, godit, ndërtoj, ormis, orendit.

MATARIM

MATARÍM,~I m. sh. ~E, ~ET Veprimi kur mataroj ose kur matarohet diçka, mbarështim, qeverisje. Matarimi i shtëpisë. Matarimi i punëve.
✱Sin.: mbarështim, qeverisje.

MBARËSHTOJ

MBARËSHT/ÓJ vep., ~ÓVA, ~ÚAR kal. Kujdesem për ekonominë e shtëpisë, për tokën, për bagëtinë a për diçka tjetër me vlerë që të vejë mbarë, të përdoret e të shfrytëzohet drejt e në mënyrë sa më të dobishme dhe që të ruhet e të mos dëmtohet; rregulloj mirë dhe e vë në udhë të mbarë një punë a një ekonomi; qeveris, krahishtoj. Mbarështoj shtëpinë. Mbarështojnë tokën (ekonominë, bagëtinë). Fshati kryesisht mbarështonte delen.
✱Sin.: amvis, mataroj, qeveris, ndreq, rregulloj, krahishtoj, mbarësoj, administroj.

RESITOJ

RESIT/ÓJ vep., ~ÓVA, ~ÚAR kal. Rregulloj, krahishtoj, kullandris, mataroj. I resitoi të gjitha sendet.

TEREZIT

TEREZÍT (TEREZÍS) vep., ~A, ~UR bised., kal. 1. Baraspeshoj. Terezit trupin. Terezite mirë!
2. Marr në shenjë, e shpie mu në vendin që dua, e rregulloj mirë në shenjë (zakonisht një armë). Tereziti pushkën. Ia tereziti në kokë (në zemër, në bark, në lule të ballit).
3. E llogarit mirë masën e diçkaje, e mat a e ndaj me kujdes, e mataroj mirë, e harxhoj me kursim a me masë diçka, nuk e shpërdoroj. E tereziti kafenë (sheqerin, vajin, gjalpin). E tereziti mishin për tërë javën. E terezit shumë paranë ai.
4. fig. E mendoj thellë, e peshoj mirë, e mat si duhet çdo hap që do të bëj; e bëj diçka duke u menduar mirë e pa nxitim. E terezit mirë. Mjaft e terezite! Pasi e tereziti mirë, vendosi.
✱Sin.: baraspeshoj, mataroj, llogaris, peshoj, mendoj, mat.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë