Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LÁRGËT (i, e) mb. 1. Që gjendet ose që ndodh larg dikujt a diçkaje; që vjen ose që dëgjohet nga larg; që shtrihet shumë në hapësirë e të shpie larg, i gjatë; kund. i afërt. Fshatra (qytete) të largëta. Sende të largëta. Krahinë e largët. Mik i largët. Zë i largët. Jehonë (ushtimë) e largët. Udhë e largët.
2. Që e ndan shumë kohë nga një çast i caktuar (në të kaluarën ose në të ardhmen), që ka qenë a ka ndodhur shumë kohë përpara një çasti të caktuar ose që do të vijë a do të ndodhë shumë kohë më pas; kund. i afërt. Në kohë të largëta. Në të kaluarën e largët. Në një të ardhme të largët. Ëndërr e largët. Qëllim i largët. Synime të largëta. Nuk është e largët dita kur...
3. Që nuk ka lidhje gjaku ose lidhje familjare të ngushta me dikë; kund. i afërt. Njerëzit e largët. Kushëri i largët. Farefis i largët.
4. Që nuk bën pjesë në rrethin e ngushtë të dikujt, që nuk ka fituar besimin e tij, që nuk është shumë i lidhur me të; që nuk ka marrëdhënie të ngrohta e të çiltra me dikë, jo i përzemërt. Njeri (shok) i largët. Tregohej i largët me të.
5. Që ka përmbajtje ose tipare krejt të ndryshme nga një tjetër; që nuk ka prejardhje të përbashkët me një tjetër. Pikëpamje të largëta. Qëllime të largëta. Degë (shkenca) të largëta. Fjalë me kuptime të largëta. Gjuhë të largëta.
6. si em. m. Sipas kuptimeve 3 e 4 të mbiemrit. U mblodhën të afërm e të largët.
✱Sin.: i tejmë, skajshëm, i andejshëm, i matanshëm, i gjatë, i dikurshëm, i njëherenjëkohshëm, i lashtë.
♦ Me *qitje të largët libr.
MATÁNSH/ËM (i), ~ME (e) mb. 1. Që është në anën tjetër të një vendi, që ndodhet në anën e përtejme, që është matanë; i anës tjetër, i përtejshëm. Banorët e matanshëm. Në bregun e matanshëm të lumit. Jetoj në anën e matanshme të qytetit. Heshtjen e matanshme e mbuluan tingujt e muzikës.
2. I largët. Qielli u bë më i përtejmë. Poetja bëhet më e matanshme, më mistike.
3. Që lidhet me anën tjetër të një fakti a dukurie. Realiteti i matanshëm i një bote tjetër shpirtërore. Kohët e matanshme të vendit. Paraqet një botëkuptim (dimension) të matanshëm.
4. Që i takon botës tjetër, që lidhet me jetën pas vdekjes; që është në botën e përtejme. Flet për botën e matanshme. Kaloi në botën e matanshme.
✱Sin.: i përtejshëm, i largët, i përtejmë.
MËPËRTÉJSH/ËM (i), ~ME (e) mb. 1. I mëtejshëm, i mëpërtejmë. Ngjarjet ngjallën një diskutim të mëpërtjeshëm se diskutimet që ishte mësuar opinioni publik. Nuk i ka penguar kërkimet dhe hapjet e mëpërtejshme në krijimin artistik.
2. Që lidhet me jetën ose me botën pas vdekjes, që lidhet me botën e përtejme ose me jetën e përtejme; i matanshëm. Romani paraqet një botë të mëpërtejshme, fuqitë e së cilës veprojnë mbi këtë botë.
PËRTÉJM/Ë (i), ~E (e) mb. Që gjendet përtej diçkaje ose matanë një vendi a një hapësire; që ndodhet në largësi përballë diçkaje. Ana e përtejme e lumit. Lagjja e përtejme e fshatit. Bota e përtejme (fet.) jeta pas vdekjes, bota e përtejvarrit.
✱Sin.: i përtejshëm, i tejmë, i tejshëm, i matanshëm, i andejshëm, i andejmë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë