Fjalori

Rezultate në përkufizime për “marule”

Mëso si ta përdorësh
<<< Kthehu te kërkimi kryesor në fjalor

LEQIKË

LEQÍK/Ë,~A f. sh. ~A, ~AT bot. (lat. Cichorium endivia) 1. Marule. Sallatë me leqika.
2. Radhiqe.

LLOTUNGË

LLOTÚNG/Ë,~A f. sh. ~A, ~AT bot., krahin. Marule. Këputi ca llotunga në bahçe.

MARULE

MARÚL/E,~JAI f. sh. ~E, ~ET bot. (lat. Lactuca sativa) 1. Bimë barishtore njëvjeçare me gjethe të trasha e të gjata që hahen të njoma si sallatë, leqikë, sallatë jeshile.
2. zakon. sh. Gjethet e njoma të kësaj bime që bëhen sallatë. Gjethet e marules. Sallatë marule.

OGRISHTE

OGRÍSHT/E,~JA f. sh. ~E, ~ET bot. (lat. Lactuca serriola) Bimë e egër barishtore, një- a dyvjeçare, deri në dy metra e lartë, me gjethe të dhëmbëzuara thellë, të mëdha afër fundit e më të vogla lart, me lule të verdha që dalin nga korriku deri në shtator, me pjesët e saj që lëshojnë lëng si qumësht kur këputen, që rritet në djerrina e toka gurishtore, që ka vlera ushqyese dhe mjekuese; qumështore e egër; marule e egër. Gjethet e ogrishtes. Në anë të arës kishin mbirë plot ogrishte.

PAMBUKJE

PAMBÚKJ/E,~A f., bot., kopsht. Lloj sallate, e mbarështuar në kopsht, marule. Mblodhi një dorë pambukje.

PAMBUKJE

PAMBÚKJE mb. 1. Shumë i butë; pambukor.
2. bot. Që është një lloj sallate. Sallatë pambukje (Lactuca sativa) marule.

SALLATË

SALLÁT/Ë,~A f. sh. ~A, ~AT 1. bot. Bimë barishtore njëvjeçare e llojeve të ndryshme, me gjethe të mëdha të gjelbra, që hahen të gjalla me vaj, me uthull e me kripë. Sallatë e njomë. Sallatë marule. Mbjell sallatë. Blej dy tufa sallatë.
2. Ushqim i ftohtë, i përgatitur zakonisht me perime të gjalla a të ziera, të grira e të marinuara me vaj, me uthull e me kripë. Sallatë jeshile sallatë vetëm me gjethe të gjelbra e me qepë të njoma. Sallatë e përzier. Sallatë me ullinj. Sallatë me tranguj (me patate, me lakra). Sallatë me vezë të ziera. Sallatë ruse patate, karota e fasule të ziera, të cilave u hidhet sipër salcë e bardhë me vezë. Përgatiti peshk me sallatë.
3. fig. Gjë e ngatërruar, e bërë lëmsh; grumbull gjërash pa lidhje ndërmjet tyre, çorbë. Na e bëri çdo gjë sallatë. Ia bëri mendjen sallatë.
4. bot. Pjesë e parë e emërtimit të pathjeshtë për një lloj alge. Sallatë deti algë me gjethe të blerta e të valëzuara që rritet në det.
♦ Ma bëri kokën (mendjen) sallatë (dikush) më trullos, më bëri që të mos marr vesh çfarë thuhet a çfarë ndodh; ma prishi mendjen; ma bëri kokën (mendjen) dhallë. E bëri sallatë. 1. (diçka) shih e bëri copë (copë e çikë, copë e thërrime) (diçka). 2. (dikë) shih e bëri copë-copë (dikë). Grin sallatë (dikush) thjeshtligj. flet shumë e kot, llap kot, flet e s’e dëgjon njeri; grin lakra thjeshtligj.; flet në erë; i bie legenit thjeshtligj.; rreh ujë në havan.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë