Fjalori

Rezultate në përkufizime për “marrosem”

Mëso si ta përdorësh
<<< Kthehu te kërkimi kryesor në fjalor

BELETIS

BELETÍS vep., ~A, ~UR krahin., jokal. 1. Bëj një veprim të shtrembër e nuk sillem si duhet, bie në gabim, gaboj; hyj në rrugë (në udhë) të shtrembër.
2. Ndërkrehem, xhindosem, rebelohem, ngre krye.
✱Sin.: ndërkrehem, xhindosem, rebelohem, egërsohem, çartohem, marrosem, çakërdisem.

LAFITEM

►LAFÍT/EM jovep., ~A (u), ~UR vetv. Çmendem, më ikin mendtë. Lafitem pas tij. Nga terri lafitem fare.
✱Sin.: marrosem, lajthitem.

LAJTHITEM

►LAJTHÍT/EM jovep., ~A (u), ~UR vetv. Ngatërrohem, gaboj pa dashur; mashtrohem nga dikush, ngatërrohem qëllimshëm; çmendem, luaj mendsh. U lajthit fare. Edhe mund të lajthiten.
✱Sin.: gaboj; çmendem, marrosem, shkalloj.

MARROHEM

►MARR/ÓHEMI jovep., ~ÓVA (u), ~ÚAR vetv. Marrosem, çmendem, luaj mendsh. Ajo marrohej përpara tij. Ata marroheshin dhe heshtnin.

MARROSJE

MARRÓSJ/E,~A f. sh. ~E, ~ET Veprimi dhe gjendja kur marros dikë ose kur marrosem. Marrosja e mendjes. Marrosja pas sportit. Marrosjet e vogëlushëve pas përrallave me princër e princesha.

PËRPRISHEM

►PËRPRÍSH/EM jovep., ~A (u), ~UR përf. 1. vetv. I këput krejt lidhjet me dikë, ndërpres fare marrëdhëniet, prishem keq me dikë.
2. vetv. Humbas mendjen, humbas logjikën e shëndoshë; prishem nga mendtë. U përprish, i shkreti.
3. pës. e PËRPRÍSH.
✱Sin.: prishem, ndahem, grindem, mërihem, hutohem, trullosem, luaj, çmendem, marrosem.

SHKALLOHEM

►SHKALL/ÓHEMI jovep., ~ÓVA (u), ~ÚAR 1. vetv. Prishem mendsh, jepem shumë pas diçkaje. Shkallohem pas saj. Po shkallohem nga vetmia. Më merr në telefon, para se të shkallohem.
2. pës., vet. v. III e SHKALLÓJ.
✱Sin.: çmendem, marrosem, marrohem, shpërmendem, prishem, përprishem, lajthitem, marrakotem, mëkeqem, çartem, shkalem, ndërkrehem, këmbehem, trenohem, tërbohem, lënurem.

TAFTIS

TAFTÍS vep., ~A, ~UR bised. 1. kal. Dalldis dikë (zakonisht falë bukurisë trupore, ojnave, zgjuarsisë, etj.), i marr mendtë, e bëj si të marrë, e lë gojëhapur; pataks, mahnit (dikë), taftoj. Bukuroshja që vallëzonte, taftisi krejt sallën.
2. jokal. Dalldis pas dikujt, a pas diçkaje, mbetem pa mend, mahnitem. Taftisi djali pas asaj çupe.
3. Hipën në taft (në fron).
✱Sin.: dalldis, marros, pataks, mahnit, taftoj, dalldisem, marrosem, pataksem, mahnitem.

TAFTISEM

►TAFTÍS/EM jovep., ~A (u), ~UR 1. vetv. Jepem krejt pas diçkaje a pas dikujt; shkalloj, çmendem, marrosem, pataksem. U taftis pas kafshëve (pas lulishtes, pas sportit). Djali u taftis pas asaj vajze.
2. pës. e TAFTÍS.
✱Sin.: dalldisem, marrosem, pataksem, mahnitem.

TRAVITEM

►TRAVÍT/EM jovep., ~A (u), ~UR 1. vetv. Trullosem, çmendem fare, humb vetëkontrollin. U travit djali (vajza). U travitën nga skenat që panë.
2. pës. e TRAVÍT.
✱Sin.: çartem, prishem, çmendem, marrosem, marrohem, tërbohem.

TRENOHEM

►TREN/ÓHEM jovep., ~ÓVA (u), ~ÚAR 1. vetv. Prishem nga mendtë, shkalloj; çmendem nga gëzimi a nga mërzia e madhe etj.; më hipën inati në kokë, tërbohem. U trenua kali. U trenua djali (çika).
2. vetv. Jepem shumë pas diçkaje; çmendem për të, marrosem.
3. pës. e TRENÓJ.
✱Sin.: çmendem, marrosem, shkallohem, tërbohem.

TRENOJ

TREN/ÓJ vep., ~ÓVA, ~ÚAR 1. kal. Luaj mendsh dikë, e prish nga mendtë, e bëj të shkallojë, e çmend; e zemëroj keqas, e tërboj. E trenoi fare. I biri rreh babanë sa trenon dynjanë (gjëzë: 1. Filiçi me tundësin. 2. Rrahësi i kambanës, rrumbi, gjuhëza e kambanës).
2. jokal. Jam shumë i dhënë pas dikujt a pas diçkaje, më pëlqen shumë, çmendem, marrosem. Trenoi pas asaj vajze.
✱Sin.: çmend, zemëroj, tërboj, çmendem, marrosem.

TËRBOHEM

►TËRB/ÓHEM jovep., ~ÓVA (u), ~ÚAR vetv. 1. Më zë sëmundja e tërbimit, sëmurem nga tërbimi. Ishte tërbuar qeni (lopa).
2. Zemërohem aq shumë me dikë a me diçka sa nuk përmbahem dot më, bëhem si i marrë a si i tërbuar nga inati. U tërbua kur e dëgjoi. Do të tërbohet kur ta marrë vesh. U tërbua fare.
3. fig. Bëhem i papërmbajtur në shfaqjen e kërkesave a të tekave; bëhem i shfrenuar në sjellje e në veprime, harbohem; llastohem a përkëdhelem tej masës. Janë tërbuar nga të mirat. U tërbua fëmija nga përkëdheljet e tepërta. Ishte tërbuar pas grave (pas burrave).
4. fig., vet. v. III Rritet tej mase, zhvillohet shumë, harliset (për bimët). U tërbua bari (duhani). U tërbuan fasulet nga shiu (nga plehu
5. fig., vet. v. III Lëviz a shpërthen me vrull e me forcë, vërshon pa u përmbajtur, lëshohet me rrëmbim. U tërbua era (murrlani). U tërbuan dallgët. U tërbua deti (oqeani, lumi).
✱Sin.: ndërkrehem, shkallohem, trenohem, çartem, çmendem, zemërohem, marrosem, xhindosem, egërsohem, harbohem, përkëdhelem, llastohem, harliset.

ÇAPËRDISEM

►ÇAPËRDÍS/EM jovep., ~A (u), ~UR 1. vet. v. III Copëtohet keq buka a ndonjë ushqim tjetër, shqyhet.
2. vetv., fig. Ngatërrohem, hutohem. U çapërdisa nga ato që dëgjova.
3. vetv., fig. Humb mendjen, çmendem.
4. pës. e ÇAPËRDÍS.
✱Sin.: ngatërrohem, hutohem, çmendem, marrosem.

ÇMENDEM

►ÇMÉND/EM jovep., ~A (u), ~UR 1. vetv. Humbas aftësinë për të menduar në mënyrë normale, sëmurem nga mendja, më del vetja jashtë kontrollit; shkalloj, marrosem. U çmend nga hidhërimi (nga vuajtjet). Po çmendet nga dhimbja. - Mos u çmende? I dha lëng lakrash që t’i shtohej etja e të çmendej fare.
2. vetv. Sillem si i marrë, tërbohem, marrosem. Po çmendej nga inati. Ishte çmendur nga urrejtja. I pa që heshtnin e u çmend.
3. vetv., fig. Ndiej një gëzim ose një kënaqësi të jashtëzakonshme. Po çmendej nga gëzimi. U çmend kur e pa. Turma e çmend me golin e tretë.
4. vetv., fig. E dua dhe më pëlqen jashtë mase dikush a diçka, jam tepër i dhënë pas dikujt a diçkaje. Është çmendur pas saj. Çmendet pas muzikës (pas futbollit). Tani në maj çmenden nga dashuria. Të gjithë do të çmendemi prej saj.
5. pës. e ÇMEND.
✱Sin.: shkalloj, marrosem, lajthitem, tërbohem, mahnitem, çakërdisem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë