Fjalori

Rezultate në përkufizime për “marroq”

Mëso si ta përdorësh
<<< Kthehu te kërkimi kryesor në fjalor

MARRASH

MARRÁSH,~E mb. 1. Që është i marrë a i metë nga mendja, budalla, marroq, marruk. Burrë marrash. Grua marrashe.
2. I marrë (për një veprim, fjalë, gjykim). Bënte shaka marrashe.
✱Sin.: i marrë, i metë, budalla, marroq, marruk.

MARRASH

MARRÁSH,~I m. sh. ~Ë, ~ËT Njeri i marrë; njeri i metë nga mendja, budalla, marroq. O marrashët e popullit, kur do të zini mend?
✱Sin.: i marrë, budalla, marrok, marruk.

MARROK

MARRÓK,~U m. sh. ~Ë, ~ËT Djalë ose burrë marroq; i marrë, i metë, budalla, torollak. Në timon ishte një marrok që i ishte mbushur mendja se ishte shofer. Trajneri nuk ishte ndonjë marrok.
✱Sin.: i marrë, i metë, budalla, torollak.

MARRUK

MARRÚK,~E mb., shar. 1. Marroq. Njeri marruk.
2. si em. m. e f. Njeri marroq. Marruku i fshatit. Marrukja e bukur.

SHAPALOK

SHAPALÓK,~E mb. Që është i lajthitur; i lënë mendsh. I ri shapalok. Grua shapaloke.
✱Sin.: i marrë, i lajthitur, i luajtur, i kërcyer, i kapërcyer, i shkalluar, shkallaq, i trentë, marrak, marruk, marrash, marrok, marroq, i marrosur, i ndërkryer.

SHAPSHALL

SHAPSHÁLL,~E mb. 1. Që nuk i kushton vëmendje të veshurit, i parregullt në veshje (sidomos për burrat e djemtë); i shkujdesur, shamshall, nallban, i lëshuar. Sapo e shihnin veshjen e tij, e quanin shapshall. E mbante atë rrobë si një djalë shapshall.
2. Që është i paaftë për të kuptuar ose për të menduar qartë, i hutuar. Nganjëherë hutohej e sillej si djalosh shapshall. Burrë shapshall.
3. Që është i trashë nga mendja; budalla, matrahul. Djalë shapshall. Kishte shikimin e një njeriu shapshall.
✱Sin.: i shkujdesur, i parregullt, i pakujdesshëm, shamshall, nallban, i lëshuar, matrahul, torollak, teveqel, budalla, marroq.

SHASHLI

SHASHLÍ mb. Që është jonormal, që nuk është mirë nga mendja, i lajthitur, i krisur; kund. i mençur. Djalë shashli. Burrë shashli.
✱Sin.: i cokatur, i çmendur, i marrë, i shkalluar, i lajthitur, i krisur, marroq.

SHKARË

SHKÁRË (i, e) mb., 1. Që ka rrëshqitur. Stomak i shkarë.
2. bised. Që është i çmendur, i rrjedhur. Djalë i shkarë. Grua e shkarë nga mendja.
✱Sin.: i marrë, i lajthitur, i luajtur, i kërcyer, i kapërcyer, i shkalluar, shkallaq, i trentë, marrak, marruk, marrash, marrok, marroq, i marrosur, i ndërkryer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë