Fjalori

Rezultate në përkufizime për “marksist”

Mëso si ta përdorësh
<<< Kthehu te kërkimi kryesor në fjalor

ANTIMARKSIST

ANTIMARKSÍST,~E mb., libr. Që është kundër marksizmit; që nuk e pranon ose lufton doktrinën marksiste; që është në kundërshtim me parimet e marksizmit. kundërmarksist; kund. marksist. Filozofi antimarksiste. Pikëpamje (teori, vijë) antimarksiste. Element (grup) antimarksist. Shkrim antimarksist. Parullë antimarksiste.

ANTIMARKSIST

ANTIMARKSÍST,~I m. sh. ~Ë, ~ËT libr. Ai që është kundër marksizmit; ai që i kundërvihet marksizmit dhe e lufton atë; kundërmarksist; kund. marksist. Antimarksist i moçëm. U shfaqën si antimarksistë.

JOMARKSIST

JOMARKSÍST,~E mb. Që nuk ka të bëjë me marksizmin dhe me parimet e tij, që s’i përket marksizmit; që nuk mbështetet në parimet e marksizmit ose që është në kundërshtim me to, që nuk zhvillohet sipas këtyre parimeve, që s’është marksist. Botëkuptim (koncept, qëndrim) jomarksist. Shfaqje (shprehje, pikëpamje) jomarksiste. Rryma (lëvizje) jomarksiste. Parti jomarksiste.

MARKSIST

MARKSÍST,~E mb. 1. Që i përket marksizmit, që përmban e shpreh idetë e marksizmit. Material (libër) marksist. Doktrina (filozofia) marksiste. Teoria (estetika) marksiste. Qëndrim marksist.
2. Që është tipar i marksizmit; që ka të bëjë me marksizmin. Një mendim marksist.
3. Që beson, ndjek dhe zbaton idetë e marksizmit. Dijetar marksist. Luftëtar marksist.
4. Që përbëhet nga ithtarë të marksizmit. Delegacioni marksist. Grupe marksiste.

MARKSIST

MARKSÍST,~I m. sh. ~Ë, ~ËT Ai që beson në idetë dhe parimet e marksizmit dhe që vepron sipas këtyre parimeve, ithtar i marksizmit. Një marksist i madh.

MARKSIST-LENINIST

MARKSÍST-LENINÍST,~E mb. 1. Që i përket marksizëm-leninizmit, që përmban e shpreh idetë e marksizëm-leninizmit. Filozofi (teori, ide, parime) marksiste-leniniste. Qëndrim (botëkuptim, edukim) marksist-leninist. Propagandë marksiste-leniniste.
2. Që është tipar i marksizëm-leninizmit; që ka të bëjë me marksizëm-leninizmin.
3. Që beson, ndjek dhe zbaton idetë e marksizëm-leninizmit. Vend (shtet) marksist-leninist. Botues marksist-leninist.
4. Që përbëhet nga ithtarë të marksizëm-leninizmit. Grupe marksiste-leniniste. Parti marksiste-leniniste.
5. Që është i mbrujtur me parimet e marksizëm-leninizmit dhe që vepron me besnikëri sipas këtyre parimeve, që është ithtar i marksizëm-leninizmit. Ideolog (dijetar) marksist-leninist. Udhëheqës marksist-leninist.

MARKSIST-LENINIST

MARKSÍST-LENINÍST,~I m. sh. ~Ë, ~ËT Ai që beson në idetë dhe parimet e marksizëm-leninizmit dhe që vepron sipas këtyre parimeve, ithtar i marksizëm-leninizmit. Marksist-leninist i njohur. Grupet e marksist-leninistëve.

PSEUDOMARKSIST

PSEUDOMARKSÍST,~E mb., filoz. Që e heq veten për marksist, por që nuk është i tillë.

PSEUDOMARKSIST

PSEUDOMARKSÍST,~I m. sh. ~Ë, ~ËT filoz. Ai që e heq veten për marksist, por që nuk është i tillë.

REFORMIZËM

REFORMÍZ/ËM,~MI m. 1. Mënyrë veprimi politik që kërkon ndryshimin e rendit politik, ekonomik e shoqëror ekzistues përmes zbatimit të reformave të shkallëshkallshme brenda kuadrit institucional ekzistues dhe duke përdorur forma të ligjshme.
2. Prirje që shfaqej në partitë politike perëndimore të krahut marksist në shek. XX dhe që synonte të ndryshonte doktrinën marksiste e t’ia përshtaste kushteve të reja shoqërore. Reformizmi socialist. Fryma (rruga, vija) e reformizmit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë