Fjalori

Rezultate në përkufizime për “mardhë”

Mëso si ta përdorësh
<<< Kthehu te kërkimi kryesor në fjalor

BISTËR

BÍST/ËR,~RAII f. sh. ~RA, ~RAT Acar, ngricë. Si ujkonjat nëpër bistër.
✱Sin.: acar, ngricë, ngrijë, mardhë, akullimë, akullirë.

BRAZIMË

BRAZÍM/Ë,~A f. sh. ~A, ~AT 1. Brymë. Bimët duhet të mbrohen nga brazima.
2. Borë e hollë dhe e ngrirë. Bie brazimë.
✱Sin.: brymë, mardhë, çaf, ciknë, cikmë, borimë, miellazë, brazirë.

BRYMË

BRÝM/Ë,~A f. sh. ~A, ~AT dhe ~RA, ~RAT 1. Reshje e ngjashme me borën, që formohet si shtresë shumë e hollë nga ngrirja e vesës ose e mjegullës mbi sipërfaqen e tokës, mbi bar, mbi fletët e bimëve, mbi sendet e ftohta etj.; vesë e ngrirë. Bryma e parë. Bryma e vjeshtës. Brymë në Sahara! Cipë bryme. Ra brymë. Pamje e bukura e brymës. E zuri (e prishi) bryma. Mimozat shpërthejnë papritur përmes brymës së pemëve. Rrofsh sa kungulli në brymë! (tall.). Mori çika vetullkurorë, / A je brymë a je borë. (folk.). Bryma s'bëhet dëborë. (fj. u.). Ajo brymë për atë frymë është bërë. (fj. u.).
2. Shtresë e hollë kristalesh akulli që formohet nga ngrirja e avujve ose e lagështirës së ajrit në sipërfaqen e sendeve të ftohta, në frigoriferë etj.
✱Sin.: brazimë, mardhë, çaf, ciknë.
♦ Brymë në diell diçka që mbaron shpejt, që zhduket menjëherë, që shkrin sakaq pa lënë gjurmë; shkrihet (humbet, tretet) si kripa në ujë (diçka). Brymë para diellit diçka së cilës do t’i vijë fundi shpejt, diçka që s’e ka të gjatë; diçka së cilës i vjen e keqja prapa. Aq sa mban bryma fare pak; shumë shpejt, menjëherë; sa të marrësh frymë; sa të thuash një.

FTOHTË

FTÓHTË,~T (të) as. 1. Gjendja kur ajri ka temperaturë të ulët, kohë e ftohtë, klimë e ftohtë; mjedis që të mban ftohtë a që të bën të mërdhish; ftohtësi, kund. të ngrohtët; të nxehtët. Të ftohtë i madh. E duronte të ftohtët. Kam të ftohtë mërdhij.
2. Sëmundje që shkaktohet nga ftohja dhe që shfaqet te njerëzit ose te disa kafshë me pezmatim të pleurës së mushkërive, plevit; e ftohur. Paska marrë të ftohtë.
✱Sin.: e ftohtë, ftohtësi, ftohtësirë, mardhë, plevit.

MARDHË

MÁRDH/Ë,~A f. 1. Të ftohtë; ngricë. Mardhë e madhe. I hyri mardha.
2. Brymë e ftohtë që i prish bimët. I ra mardha misrit.

NGRICË

NGRÍC/Ë,~A f. sh. ~A, ~AT Dukuri meteorologjike që ndodh kur temperatura e shtresës së ajrit pranë tokës zbret nën 0°C; kohë e ftohtë në të cilën ngrin uji; të ftohtë me akull, që dëmton bimët; acar. Bëri ngricë e madhe atë dimër. Ngricat e pranverës (pranverore). Ngricat e mëngjeseve. Bën ngricë. Ra ngrica. Agrumet duhen mbrojtur nga ngrica.
✱Sin.: acar, dimër, mardhë, ngrijë, akullimë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë