Fjalori

Rezultate në përkufizime për “manual”

Mëso si ta përdorësh
<<< Kthehu te kërkimi kryesor në fjalor

AEROBIOLOGJIK

AEROBIOLOGJÍK,~E mb., biol. Që ka të bëjë me aerobiologjinë, që i përket aerobiologjisë, i aerobiologjisë. Analiza aerobiologjike. Kërkime aerobiologjike. Manual aerobiologjik.

MANUAL

MANUÁL,~I m. sh. ~E, ~ET Libër doracak që përmban në mënyrë të përmbledhur njohuritë themelore të një fushe të caktuar të shkencës, të teknikës ose të artit; tekst mësimor. Manual mësimor (shkencor, teknik). Manuali i filozofisë (i fizikës, i kimisë, i zooteknisë, i mjekësisë, i vizatimit).

POROSIT

POROSÍT (POROSÍS) vep., ~A, ~UR kal. 1. I bëj një kërkesë dikujt për të blerë a për të më dërguar diçka, për të më bërë një punë etj., bëj një porosi. Porositi një libër (një manual arkitekti). Porositi një kafe. Porositi një palë këpucë.
2. I ngarkoj ose i besoj dikujt një detyrë a një punë të veçantë. E porositi vëllain që...
3. I jap dikujt një këshillë për diçka, e këshilloj; i jap dikujt udhëzime të vlefshme, e mësoj dikë si të veprojë. E porositi të ketë kujdes rrugës. Ashtu e porositi babai.
4. I besoj dikujt një dëshirë.
5. Shpreh fjalët, dëshirat a këshillat e fundit para vdekjes. E porositi para se të vdiste...
✱Sin.: këshilloj, mësoj, kërkoj, them, zë, zgjedh, ngarkoj, besoj, udhëzoj.

TRAKTAT

TRAKTÁT,~I m. sh. ~E, ~ET 1. Vepër didaktike, në të cilën trajtohet në mënyrë të plotë dhe të saktë një temë e veçantë në lëmin e artit a të shkencës; libër, manual, monografi. Traktat filozofik. Traktat morali. Traktat fizike. Shkroi një traktat.
2. Marrëveshje me shkrim ose lidhje ndërmjet dy a më shumë shteteve, për çështje të ndryshme politike, për marrëdhënie ekonomike, ushtarake, paqeje, tregtie etj.; konventë, marrëveshje, pakt, protokoll. Traktat paqeje. Traktat miqësie. Traktat ushtarak. Traktat tregtie. Traktat i fshehtë. Shkelja e traktatit. Dalje nga traktati. Denoncimi i traktatit. Lidhën një traktat. Ratifikoj një traktat. Ratifikim i një traktati.
✱Sin.: vepër, libër, manual, monografi, konventë, marrëveshje, pakt, protokoll.

UDHËZUES

UDHËZÚES,~I m. sh. ~, ~IT 1. Ai që i tregon dikujt se si të veprojë për një punë a për të bërë diçka, ai që jep udhëzime. Udhëzues i kujdesshëm. Dëgjon udhëzuesin.
2. Përmbledhje e rregullave dhe e mënyrave që duhen ndjekur për të bërë një punë a për të zhvilluar një veprimtari, libër me udhëzime për diçka; përmbledhje rregullash dhe mënyrash për përdorimin e diçkaje, manual. Udhëzues i qartë (i gjatë, i hollësishëm). Udhëzues metodik (teknik). Udhëzues për mbledhjen e leksikut e të frazeologjisë. Udhëzues për përdorimin e televizorit. Hartoi (shpërndau) një udhëzues. Punon sipas (në bazë të) udhëzuesit.
3. tek. Pjesë e një mekanizmi, që përcakton drejtimin nga duhet të lëvizë një vegël tjetër. Vendosi një udhëzues.

VADEMEKUM

VADEMÉKUM,~I m. sh. ~Ë, ~ËT Tekst ose libër i vogël që përdoret si udhëzues mësimor e praktik, që përmban në mënyrë të përmbledhur njohuri të një fushe të caktuar; doracak, manual. Vademekum i specialiteteve formaceutike. Vademekum për avokatët. Vademekum i bimëve mjekësore.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë