Fjalori

Rezultate në përkufizime për “manipulim”

Mëso si ta përdorësh
<<< Kthehu te kërkimi kryesor në fjalor

ARTIFICIALITET

ARTIFICIALITÉT,~I m. Të qenët artificial, të qenët i panatyrshëm, që nuk e ka krijuar natyra po njeriu. Mbizotëron artificialiteti. E shquan artificialiteti. Rritje e artificialitetit. Artificialitet i sjelljes. Elemente të artificialitetit.
✱Sin.: manipulim, sajim, trillim, manipulim.

MANIPULUAR

MANIPULÚAR,~IT (të) as. Manipulim. Përdor taktika të ndryshme të të manipuluarit.

MASAKRUES

MASAKRÚES,~E mb. 1. Që ther a gjymton rëndë dikë; që synon të zhdukë dikë; që përfundon me vrarjen me mizori të dikujt; vrasës, shfarosës. Plan masakrues.
2. Që dëmton rëndë dikë a diçka, shkatërrues. Shikim masakrues. Dëshpërim masakrues. Manipulim masakrues.
✱Sin.: vrasës, shfarosës, shkatërrues.

ORKESTRUAR

ORKESTRÚAR (i, e) mb. 1. muz. Që është orkestruar. Muzikë e orkestruar. Këngë popullore të kënduara e të orkestruara prej tij.
2. fig. I organizuar, i drejtuar, i planifikuar në mënyrë të kujdesshme e të koordinuar, shpesh duke nënkuptuar prapaskenë ose manipulim. Akt i orkestruar. Atentat i orkestruar. Kryengritje e orkestruar. Një ngjarje e manipuluar dhe e orkestruar nga autoritetet. Dukej si sulm i orkestruar politikisht.

PSIKOSEKSUAL

PSIKOSEKSUÁL,~E mb. 1. Që ka të bëjë me aspektet psikologjike gjatë zhvillimit seksual. Zhvillimi psikoseksual sipas Frojdit. Stadet e zhvillimit psikoseksual. Teoria e zhvillimit psikoseksual.
2. Që lidhet me qëndrimet mendore ose emocionale për aktivitetin seksual. Manipulim psikoseksual.

PËRPUNIM

PËRPUNÍM,~I m. sh. ~E, ~ET 1. Veprimi kur përpunoj ose kur përpunohet diçka. Përpunimi i të dhënave statistikore (kompjuterike, personale). Përpunimi i naftës. Përpunimi i qumështit (i rrushit). Përpunim i tekstit (inf.). Përpunim i ngarkesës (trans.).
2. mek. Pjesë e parë e disa emërtimeve për procese mekanike përpunimi: Përpunim i metaleve. Përpunim i ashpër. Përpunim i pastër. Përpunim kimik. Përpunim me prerje. Përpunim mekanik. Përpunim në të ftohtë. Përpunim në të nxehtë. Përpunim plastik. Përpunim përfundimtar.
✱Sin.: punim, ripunim, trajtim, manipulim, përsosje, lëvrim, latim, redaktim, përmirësim, përgatitje, përfundim, stërhollim, ndërtim, formim, hartim.

TRUK

TRUK,~U m. sh. ~E, ~ET Veprim dredharak që fsheh të vërtetën, veprim mashtrues, manipulim, marifet, hile, rreng, pehlivanllëk. Truk kinematografik. Truke zhonglerësh.

TRUKIM

TRUKÍM,~I m. sh. ~E, ~ET Mashtrim, manipulim të dhënash. Trukimi i ndeshjes së futbollit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë