Fjalori

Rezultate në përkufizime për “manifest”

Mëso si ta përdorësh
<<< Kthehu te kërkimi kryesor në fjalor

ANTIKOMUNIST

ANTIKOMUNÍST,~E mb. 1. Që është kundër komunizmit, që lufton kundër komunizmit; kund. komunist. Propagandë antikomuniste. Veprime antikomuniste.
2. Që ka të bëjë me antikomunimin; që i përket antikomunizmit, i antikomunizmit. Ideologji antikomuniste. Manifest antikomunist.

ANTILENINIST

ANTILENINÍST,~E mb., pol. Që është kundër leninizmit; kund. leninist. Ideologji antileniniste. Propagandë antileniniste. Manifest antileninist. Grupet antileniniste.

MANIFEST

MANIFÉST,~I m. sh. ~E, ~ET 1. Deklaratë publike, përgjithësisht e shprehur në formën e një vepre letrare ose të një letre të hapur, që përcakton e parashtron parimet dhe objektivat e një lëvizjeje a rryme politike, fetare ose artistike dhe të atyre që vendosin t’i bashkohen. Manifest letrar. Shkruaj një manifest. Shpall manifestin e tij. Botoi një manifest. Parimet e estetikës nuk nxirren vetëm nga manifestet poetike.
2. vjet. Deklaratë me shkrim që kryetari i shtetit, qeveria ose një organ i lartë shtetëror i bën popullit me rastin e një ngjarjeje me rëndësi të jashtëzakonshme.

MANIFESTOHET

►MANIFEST/ÓHET jovep., ~ÚA (u), ~ÚAR vet. v. III 1. vetv. Bëhet e qartë, shprehet, shfaqet, demonstrohet. Shqetësimet u manifestuan në mënyrë të qartë. Vlerat artistike të përrallës manifestohen në mënyra të ndryshme.
2. pës. e MANIFESTÓJ.

MANIFESTOJ

MANIFEST/ÓJ vep., ~ÓVA, ~ÚAR kal. 1. Shpreh një ndjenjë, ide, mendim a pikëpamje; shfaq, demonstroj. Pyetja e saj manifestoi njëherazi edhe pasigurinë e saj. Këto veti i kishte manifestuar kudo. Vazhdon të mos e manifestojë gëzimin ose hidhërimin.
2. Tregoj me prova ekzistencën e një dukurie, vërtetoj me shenja konkrete praninë e diçkaje. Debati manifeston përkrahjen e demokracisë.
3. Marr pjesë në një ceremoni a shfaqje publike masive artistike, muzikore, sportive, fizkulturore, ushtarake etj. Punonjësit të gëzuar manifestuan nëpër rrugët e qytetit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë