Fjalori

Rezultate në përkufizime për “manar”

Mëso si ta përdorësh
<<< Kthehu te kërkimi kryesor në fjalor

HEJ

HEJ,~II m. sh. ~Ë, ~ËT Qengj që fillon të hajë bar për herë të parë. Hej pirës. Lodron si hej.
✱Sin.: qengj, shtjerrë, bec, lukër, sheleg, shqerrë, bushak, manar, lashtak, kërthi, kërthinjë, rrunëz, qengjërush.

MANAR

MANÁR,~I m. sh. ~Ë, ~ËT 1. Qengj i butë mashkull që është mësuar të ndjekë pas bariun a të zotin, ogiç. Kulloste manarët. E bëri manar. I vete pas si manar.
2. Filiz ahu që lihet për ripërtëritjen e pyllit. Manarët e pyllit të dendur mos i prek.
3. fig., edhe përk. Fëmijë i urtë e i përkëdhelur që nuk u ndahet prindërve. Manari i babit!

MANARKË

MANÁRK/Ë,~A f. sh. ~A, ~AT Manar i vogël.

OGIÇ

OGÍÇ,~I m. sh. ~Ë, ~ËT 1. Dash i madh me këmborë, që i prin tufës se dhenve; përçor. Tufën e prin ogiçi. Qafën e trashë si ogiçi i këmborës.
2. Qengj i urtë e i mësuar, që i shkon pas bariut a një fëmije, manar. Ogiç i pandarë. Ogiçi i shtëpisë (i djalit). I shkon pas si ogiç. Bari i keq gëlbaz delet me gjithë ogiç. (fj. u.). Derri, derrin bën; ogiçin e bën delja. (fj. u.).
3. fig. Njeri i urtë, zakonisht i mitur e i ushqyer mirë, që shkon gjithnjë pas dikujt.
4. si mb. Sipas kuptimeve të emrit. Dash (qengj) ogiç. Djalë ogiç.
✱Sin.: përçor, manar, i mësuar, i urtë.

SHELEG

SHELÉG,~U m. sh. ~Ë, ~ËT 1. Qengj mashkull që pasi ka mbushur vitin, fillon të ushqehet me bar; milor, rrunxak. Bërxolla shelegu. Ther shelegët. Ushqen shelegët. Sheleg për t’u therur.
2. fig., përk. Djalë i vogël që është i urtë dhe i butë; kund. zevzek. Shelegu i vogël. E ka djalin si sheleg. I vogli fle si sheleg. Sheleg i bërë njeri i shëndetshëm dhe i majmur. Sheleg damari djalë fisnik nga derë e fisshme. Sheleg livadhi njeri i shëndoshë dhe i majmur. Sheleg manar njeri i butë e i qetë.
✱Sin.: shiek, milor, motak, vjetar, i shtruar, i ëmbël.
♦ U bë shelegu *dash. E bën shelegun *dash (dikush). Qeth shelegët (dikush) përpiqet të nxjerrë përfitime sa të mundë e ku të mundë; nxjerr dhjamë nga pleshti. Qethet me shelegët bën veprime fëminore, tregohet i pjekur.

SHIEZ

SHIÉZ,~I m. sh. ~A, ~AT Qengj mashkull mbi gjashtë muajsh. Blegërima e shiezit nuk po dëgjohej më. Mish shiezi. Theri një shiez.
✱Sin.: lukër, sheleg, bushak, rrunak, qengjth, rrunëzak, lashtak, manar, kërthi, kërthinjë, kërthinjak, pirës, bërnjak, tamblak, bec.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë