Fjalori

Rezultate në përkufizime për “maksimum”

Mëso si ta përdorësh
<<< Kthehu te kërkimi kryesor në fjalor

MAKSIMUM

MAKSIMÚM,~I m. sh. ~E, ~ET 1. kryes. nj. Sasia më e madhe ose shkalla më e lartë e mundshme, niveli më i madh a caku më i lartë që mund të arrihet; gjithçka që është e mundshme; kund. minimum. Sa është maksimumi që mund të paguash për këtë shtëpi? Njihet maksimumi i shpejtësisë që arrin avioni. Dha maksimumin e tij në provim. Kaq është maksimumi i mundësive tona si komunë. E shiti me maksimumin e shiti me çmimin më të lartë. Maksimum biologjik (biol.) caku më i lartë i temperaturës, në të cilin bëhen të mundura proceset jetësore të një organizmi dhe sipër këtij kufiri nuk vazhdojnë më.
2. drejt. Dënimi më i madh; kund. minimum. U dënua me maksimumin. I dhanë maksimumin.
3. meteor. Zonë e shtypjes atmosferike më të lartë; kund. minimum. Maksimumet subtropikale.

MINIMUM

MINIMÚM,~I m. sh. ~E, ~ET 1. kryes. nj. Sasia më e vogël ose shkalla më e ulët ndër të tjerat në një radhë të caktuar, madhësia minimale; caku më i ulët a më i poshtëm deri ku mund të arrijë diçka; më e pakta; kund. maksimum. Minimumi i domosdoshëm i mjeteve për të jetuar. Minimumi i njohurive. Minimumi i mundësive. Minimumi i të ardhurave (i shpenzimeve). Minimumi i kohës (i punës, i pagës). Minimumi është tri ditë. Pakësohet uji i lumit në minimum. Dha (mori) minimumin në punë. Ofron minimumin e shërbimeve. Rriten minimumet dhe maksimumet e vlerave ekstreme të temperaturave të motit. Minimum biologjik (biol.) caku më i ulët temperaturës, prej të cilit fillojnë proceset jetësore të organizmave dhe nën të nuk vazhdojnë.
2. drejt., bised. Dënimi më i vogël; kund. maksimum. I dhanë minimumin. U dënua me minimumin. Rriten në mënyrë të qartë të gjitha minimumet e dënimeve.
3. meteor. Zonë e shtypjes atmosferike më të ulët; kund. maksimum.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë