Fjalori

Rezultate në përkufizime për “makijazh”

Mëso si ta përdorësh
<<< Kthehu te kërkimi kryesor në fjalor

DHELPËRUAR

DHELPËRÚAR (i, e) mb. 1. Që është mashtruar me dinakëri nga dikush. E donte burri i dhelpëruar. Asnjëri nuk ishte aq i dhelpëruar. Si të mos ndihesh i dhelpëruar.
2. Që e ka formën e syve si të dhelprës. Syze për sytë e dhelpëruar. Ky makijazh rekomandohet për sytë e dhelpëruar. Një fytyrë krejtësisht e dhelpëruar.
✱Sin.: i mashtruar, i gënjyer.

GRIM

GRIM,~I m. 1. Krem, lapsa me ngjyra, mustaqe, mjekër etj., që përdor dikush për të ndryshuar pamjen e vet, makijazh. Reparti i grimit. Iu prish grimi.
2. Mjeshtëria e përdorimit të këtyre mjeteve. Përdor grimin.

LATURIS

LATURÍS kal., ~A, ~UR bised. 1. Fëlliq a përlyej shumë diçka, e bëj me bojë, me baltë a me njolla të ndryshme në shumë vende. E laturisi fletoren (librin) me bojë. I ka laturisur duart (rrobat, këpucët) me baltë. I laturisën muret.
2. I lyej tepër e jo hijshëm buzët, fytyrën etj. për makijazh (për gratë). I paska laturisur buzët (faqet).
✱Sin.: fëlliq, lyej, llangos.

LLANGOSËS

LLANGÓSËS,~E mb. 1. Që ndot diçka; që e bën me njolla; që e lyen më shumë se ç’duhet. Mjeshtër llangosës. Nuse llangosëse. Makijazh llangosës.
2. fig. Që përbalt të tjerët duke shpifur e duke thënë gjëra të pavërteta; shpifës. Djalë llangosës. Vajzë llangosëse.
3. si em. m. e f. Sipas kuptimeve të mbiemrit.

LLAPËRÇEHEM

LLAPËRÇ/ÉHEM jovep., ~ÉVA (u), ~ÝER vetv. Lyhem shumë, bëj makijazh të rëndë.

LËMEHEM

►LËM/ÉHEM jovep ~ÉVA (u), ~ÝER vetv. Bëj grim, bëj makijazh.

MAKIJAZH

MAKIJÁZH,~I m. sh. ~E, ~ET 1. Kozmetika (buzëkuq, pudër, laps për vetullat etj.) që aplikohet në fytyrë për ta përmirësuar ose për ta ndryshuar pamjen e saj. Gruaja kishte bërë makijazh në fytyrë. Përdor (vë, bëj) makijazh.
2. Tërësia e mjeteve të ndryshme (kremi, lapsat me ngjyra, mustaqet, mjekra etj.), që përdoren nga aktori për të ndryshuar pamjen e tij në përshtatje me rolin që luan; grim. Gjeti makijazhin e duhur. Fshin (heq) makijazhin.
3. Mjeshtëria e përdorimit të mjeteve të ndryshme kozmetike për të ndryshuar fytyrën e pamjen e dikujt; grim. Mëson për makijazh. Merret me makijazh.

TREPIL

TREPÍL,~I m. Të kuqtë e të bardhët që vinin nuset; tualet, grim, makijazh.

TRUKOHEM

►TRUK/ÓHEM jovep., ~ÓVA (u), ~ÚAR 1. vetv. Bëj makijazh.
2. vetv., vet. v. III Ndryshohet gati në mënyrë të padukshme rezultati i të dhënave; manipulohet. Trukohet një ndeshje. U trukua rezultati i zgjedhjeve.
3. pës. e TRUKÓJ.

TUALET

TUALÉT,~I m. sh. ~E, ~ET 1. Hapësirë sanitare, dhomë ose vend i pajisur me ujësjellës e instalime higjienike për nevojat fiziologjike; nevojtore. Shkoi në tualet. Pasqyra e tualetit.
2. vet. nj. Pastrimi dhe rregullim i trupit dhe i pamjes së jashtme; procesi i kujdesit vetjak si larja, krehja, rregullimi i flokëve, grimimi, veshja etj. Bën tualetin e mëngjesit.
3. Makijazh. Ka dalë në studio me (pa) tualet. Tualet i rëndë. Tualet i lehtë. Tualet të shpejtë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë