Fjalori

Rezultate në përkufizime për “majonezë”

Mëso si ta përdorësh
<<< Kthehu te kërkimi kryesor në fjalor

MAJONEZË

MAJONÉZ/Ë,~A f. sh. ~A, ~AT 1. vet. nj., gjell. Lloj salce kremoze që zakonisht bëhet me vezë të rrahur me vaj e me lëng limoni a me uthull. Majonezë e trashë (e hollë). Lyej sanduiçin me majonezë. Shoqëroj sallatën me majonezë. Përbërësit në majonezën e tregut.
2. edhe në sh. Secili lloj i kësaj salce i përgatitur në një mënyrë të caktuar. Majonezat e zakonshme përdorin vezë të plota.
3. edhe në sh. Vazo apo enë tjetër e mbushur me majonezë. Blej dy majoneza.

MËLMEJ

MËLM/ÉJ vep., ~ÉVA, ~ÝER kal. 1. I hedh gjellës yndyrë, bulmoj; i hedh përsipër yndyrë, lëng limoni etj. Mëlmej gjellën. Mëlmej lëpjetat në vaj e lëng limoni.
2. Lyej bukën me gjalpë, mustardë etj. Përdor majonezë për të mëlmyer sanduiçin. Ky krem përdoret për të mëlmyer fetat e bukës.
3. Shoqëroj bukën a një gjellë me diçka tjetër; bulmoj. Mëlmej bukën me djathë.

SANDUIÇ

SANDUÍÇ,~I m. sh. ~Ë, ~ËT Dy a më shumë rriska bukë, zakonisht të lyera me majonezë, me sallam, djathë ose sallatë në mes. Bëj një sanduiç. Blej sanduiç të freskët. Përgatit sanduiç me sallam dhe djathë. Merr dy sanduiçë me vete.

TARTAR

TARTÁR,~E mb. Që lidhet me Tartarinë ose me tartarët, që është karakteristik për Tartarinë ose për tartarët, i Tartarisë ose i tartarëve; që është krijuar nga tartarët. Gjuha tartare. Poet tartar. Këngë (muzikë, valle) tartare. Veshje tartare. Salcë tartare salcë e bërë me majonezë, kaparinë dhe me mustardë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë