Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
FRÝRJ/E,~A f. sh. ~E, ~ET 1. Mbushje me ajër (e mushkërive, e tullumbaceve etj.). E mësoi fryrjen e gomave.
2. Mbufatje; ënjtje. E mjekoi fryrjen e dorës.
3. bised. Ngopje; mbushje e barkut. Fryrje me ushqim.
4. Bymim a mbufatje nga uji etj. E vërejti fryrjen e dërrasave.
5. Rritje, zmadhim a zgjerim i tepruar. Fryrje e kërkesave.
6. fig. Nxitje kundër dikujt. E kishte zakon fryrjen e të tjerëve.
7. fig. Inatosje; zemërim. Foli me fryrje.
8. Yshtje; namatisje. I ka lënë fryrjet e njerëzve.
✱Sin.: mbufatje, ënjtje, ngopje, ngjeshje, trashje, majmje, ngjallje, bymim, rritje, zmadhim, zgjerim, krekosje, nxitje, inatosje, zemërim, yshtje, namatisje.
MÁHJ/E,~A f. 1. Shëndoshje, majmje.
2. Pasurim.
SHËNDÓSHJ/E,~A f. vet. nj. 1. Procesi i rifitimit të shëndetit pas një sëmundjeje, shërim. Shëndoshje e plotë. Ishte drejt rrugës së shëndoshjes.
2. Procesi e dhjamosjes së trupit, trashje e trupit. Shëndoshja e trupit. Shëndoshja e tepërt. Shëndoshja është problem edhe hormonal. Shëndoshja e gushës.
3. Gjendja kur i është dhjamosur trupi dikujt. I vihej re shëndoshja.
4. Procesi a gjendja e të bërit më të fortë diçka, forcim, gjallërim. Shëndoshja e institucioneve. Shëndoshja e shoqërisë. Shëndoshja e moralit të sëmurë. Shëndoshja e financave.
✱Sin.: ngjallje, mbushje, majmje, dhjamje, dhjamosje, fryrje, shtim, pasurim.
TALLANDÍTJ/E,~AIII f. sh. ~E, ~ET bised. Ushqyerje, majmje (e një kafshe). Tallanditja e qengjit.
TRÁSHJ/E,~AI f. 1. E bëj diçka të trashë a më të trashë se ç'është, e bëj më të gjerë në të gjithë gjatësinë e vet, i rrit gjerësinë ose vëllimin; zgjeroj; kund. hollim. Trashja e trungut. Trashja e vijës. Trashja e fillit që tirret. Trashja e lëngut. Trashja e sherbetit.
2. Ndryshim në timbrin e zërit (në kohën e pubertetit); kund. hollim. Trashja e zërit.
3. fig., bised. Zmadhimi i diçkaje, paraqitja e diçkaje si më të madhe a më të vështirë nga ç'është në të vërtetë. Trashja e gjërave me kalimin e kohës.
4. fig., bised. Veprimi kur diçka të kryer e bëj më të rëndë, e thelloj më tej. Trashja e gabimeve.
5. fig., bised. Forcimi i diçkaje që zotëroj a bëj pjesë, teprimi në diçka. Trashja e miqësisë. Trashja e muhabetit. Trashja e mosmarrëveshjeve.
6. bot. Lloj kërpudhe e ngrënshme, në ngjyrë të bardhë, me shumë mish; kërpudhë trashje. Mblodhi trashje. Gatuan (skuq) trashje.
✱Sin.: trashim, piksje, mpiksje, ngjizje, mbështjellje, majmje, ngjallje, shëndoshje, dhjamosje, fryrje, dendësim, çmprehje, ashpërsim, thellim, zmadhim, zgjerim rëndim, forcim, teprim.
TULÁVJ/E,~A f. 1. iron. Shëndoshje, majmje, dhjamje, dhjamosje.
2. fig., keq. Pasurim. Tulavja e zyrtarëve të pandershëm.
ZMADHÍM,~I m. sh. ~E, ~ET 1. Të bërët më të madh të diçkaje; rritje; zgjatje; kund. zvogëlim. Zmadhimi i tokës (i shtëpisë, i derës etj.) Zmadhimi i zemrës (mjek.). Zmadhimi i fotografisë. Aparat zmadhimi. Makinë zmadhimi.
2. Rritja a fryrja e diçkaje për ta paraqitur më të mirë a me të keqe se ç’është në të vërtetë; kund. zvogëlim. Zmadhimi i fajit. Prirje për zmadhimin e ceneve te njerëzit. Zmadhimi i të metave nuk i shërben kurimit të tyre.
✱Sin.: bymim, zgjerim, shtrirje, madhim, rritje, mbufatje, majmje, mbushje, trashje, shtim, përshpejtim.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë