Fjalori

Rezultate në përkufizime për “magnet”

Mëso si ta përdorësh
<<< Kthehu te kërkimi kryesor në fjalor

ELEKTROMAGNET

ELEKTROMAGNÉT,~I m. sh. ~E, ~ET fiz. Magnet i përbërë nga një spirale teli të mbështjellë rreth një bërthame çeliku ose hekuri që magnetizohet vetëm kur rryma rrjedh nëpër tela. Si të ndërtojmë një elektromagnet. Elektromagnetet dhe përdorimi i tyre. Elektromagnetet zakonisht përbëhen nga tela që shkojnë në formë spirale. Një elektromagnet kërkon një furnizim të vazhdueshëm të rrymës

MAGNET

MAGNÉT,~I m. sh. ~E, ~ET 1. Send, zakonisht prej hekuri ose çeliku, që ka vetinë, të natyrshme ose të induktuar, të tërheqë hekurin, çelikun dhe trupa të tjerë prej kobalti, nikeli, alumini etj., por edhe t’i shtyjë këta trupa. Magneti prodhon fushë magnetike. Të gjithë magnetet kanë dy pole të kundërta.
2. Person, vend, objekt ose situatë që ka vetinë të tërheqë vëmendjen e të tjerëve. Shkrimtari ishte magnet për të gjithë. Vajza ishte magnet për gjëra të çuditshme. Riviera është kthyer në një magnet për turistët.

MAGNETIZOJ

MAGNETIZ/ÓJ vep., ~ÓVA, ~ÚAR kal. 1. tek. E bëj që të ketë veti magnetike (për një metal ose material); kund. çmagnetizoj. Magnetizoj një thupër çeliku.
2. E tërheq fort dikë si me magnet, e bëj për vete, e josh fuqishëm; e magjeps. Aktorja e magnetizoi publikun. Loja e ekipit magnetizoi të madh e të vogël. Ky libër të magnetizon.
✱Sin.: tërheq, magjeps, josh.

MAGNETSHËM

MAGNÉTSHËM ndajf. Si magnet (edhe fig.). Buzët e saj magnetshëm e ftonin në puthje.

ÇMAGNETIZOJ

ÇMAGNETIZ/ÓJ vep., ~ÓVA, ~ÚAR kal., tek. I heq magnetizimin, bëj që të mos ketë më veti magnetike; kund. magnetizoj. Çmagnetizoj çelikun. Për të çmagnetizuar një magnet. Një magnet hekuri tenton ta çmagnetizojë veten me anë të fushës së vet magnetike.

ÇMAGNETIZUAR

ÇMAGNETIZÚAR (i, e) mb. Që ka humbur vetitë magnetike; kund. i magnetizuar. Ata mund të magnetizojnë sërish një magnet të çmagnetizuar. Rotorët e çmagnetizuar magnetizohen sipas një radhe të caktuar pune.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë