Fjalori

Rezultate në përkufizime për “madhoj”

Mëso si ta përdorësh
<<< Kthehu te kërkimi kryesor në fjalor

BURRËROJ

BURRËR/ÓJ vep., ~ÓVA, ~ÚAR kal. 1. E rrit, e bëj burrë; e bëj si burrë, i jap pamje burri. Veshja e burrëronte ca.
2. E bëj më të pjekur e më guximtar, e kalit, i jap vetitë e larta të burrit, e bëj si burrë; kund. zhburrnoj. Lufta i burrëroi. Vetë jeta të burrëron.
✱Sin.: zburrit (zburris), madhoj, rrit, pjek.

MADHËROJ

MADHËR/ÓJ vep., ~ÓVA, ~ÚAR kal. 1. Nderoj shumë dikë ose diçka, e ngre lart, e lartësoj, i thur këngë a lavde. Shkrimtari madhëron vlerat e burrave dhe grave shqiptare.
2. fet. I jap lavdi dhe nder, e adhuroj. Shpirti i besimtarit madhëron Zotin.
3. E ngre dikë lart ose më lart në detyrë, i jap një gradë më të lartë.
✱Sin.: nderoj, adhuroj, madhoj, gradoj, lartësoj.

MOSHOJ

MOSH/ÓJ vep., ~ÓVA, ~ÚAR kal. 1. E rrit dhe e madhoj dikë.
2. E vjetroj, e plak. Jeta (puna) na moshoi.

ZMADHOJ

ZMADH/ÓJ vep., ~ÓVA, ~ÚAR kal. 1. E bëj diçka më të madhe; e shtoj, e zgjeroj, e rrit etj.; kund. zvogëloj. Zmadhoi shtëpinë (dhomën). Zmadhoi derën (dritaren). E zmadhuan fabrikën. Zmadhoi sytë i hapi sytë jashtë mase. Zmadhoi hapin. Zmadhoi fotografinë. E zmadhoi shumën. Zmadhuan sipërfaqen e punueshme. Zmadhoi moshën. - Të mos e zmadhojmë ceremoninë.
2. fig. E rrit a e fryj diçka dhe e paraqit më të mirë a më të keqe nga ç'është në të vërtetë; kund. zvogëloj. I zmadhon punët (gjërat). E zmadhon rrezikun. Ia zmadhon rëndësinë. Ia zmadhoi meritat. - Nuk i zmadhoj ato që them. Është e aftë të zmadhojë çdo gjë që nuk e pëlqen. I zmadhoj të mirat (të këqijat)
✱Sin.: madhoj, bymej, shtoj, zgjeroj, shtrij, labërgoj, mbufas, majm, mbush, trash, shtoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë