Fjalori

Rezultate në përkufizime për “maçorr”

Mëso si ta përdorësh
<<< Kthehu te kërkimi kryesor në fjalor

DAC

DAC,~I m. sh. ~A, ~AT zool. 1. Mashkulli i maces, maçok. Dac i zi (i bardhë). Mos gjezdis si daci hatull më hatull. (fj. u.). Një herë ra daci në kade. (fj. u.).
2. zool. Pjesë e parë e disa emërtimeve të pathjeshta nga fusha e zoologjisë. Dac deti (lat. Scyliorhinus stellaris) lloj peshkaqeni me kokë të gjerë, me trup në ngjyrë të çelur e me pika të murrme, qeni i detit. Dac i egër 1. (lat. Felis silvestris) mace e egër e Evropës, e Azisë dhe e Amerikës Veriore. 2. (lat. Felis lynx, Lunx lynx) rrëqebull.
3. bised. Fëmijë i lindur jashtë martese, kopil.
4. fig., bised., keq. Njeri i shkathët, i zgjuar, por dinak dhe i pandershëm, qerrata, dredharak, i djallëzuar.
✱Sin.: maçok, maçorr, daçkan, daçok, kopil, dobiç, doç, dinak, i shkathët, i zgjuar, i pandershëm, qerrata, dredharak, i djallëzuar, tinëzar.
♦ Si daci në thekër shih si gjeli majë plehut. Është (mbeti) si daci në gaviç është në gjendje të keqe, është zënë ngushtë, nuk di nga t'ia mbajë.

MAÇ

MAÇ,~II m. sh. ~Ë, ~ËT Maçok, dac, maçorr.
♦ Me *kuç e me maç. Maç mulliri tall. burrë shumë i shëndoshë.

MAÇKAN

MAÇKÁN,~I m. sh. ~A, ~AT Maçok, maçorr, dac.

MAÇOK

MAÇÓK,~U m. sh. ~Ë, ~ËT 1. Mashkulli i maces, dac. Mjaullin një maçok i uritur. Maçoku rrinte shtrirë pranë sobës. Fëmija nisi të lozte me maçokun. Ai i donte maçokët.
2. fig. Njeri i prapë, që nuk rri urtë e grindet; njeri dinak e i pabesë. Gjithë fshati e thërriste maçok se ishte i lig në shpirt.
✱Sin.: dac, maç, maçorr, grindavec, dinak, i pabesë.
♦ I ka hyrë maçoku (macja) në bark (dikujt). 1. Ka smirë e zili; ka dyshime të padrejta a ligësi për dikë. 2. Ka lakmi të madhe, nuk ngopet me para e pasuri, është makut. Ka maçokun (macen) në bark (dikush) shih ka djallin (dreqin) në bark (dikush). Maçok me brirë keq. 1. Njeri shumë i prapë e i pabindur. 2. Njeri shumë i shëmtuar, shëmtaraq. Si maçoku në thekër shih si gjeli majë plehut. I rri maçoku në *bisht (dikujt).

MUSTAQEMAÇORR

MUSTAQEMAÇÓRR mb. m. 1. Që i ka mustaqet si maçorr.
2. I zoti për të përfituar për vete nga një situatë ose rast i leverdishëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë