Fjalori

Rezultate në përkufizime për “mësimdhënëse”

Mëso si ta përdorësh
<<< Kthehu te kërkimi kryesor në fjalor

ARSIMTARE

ARSIMTÁR/E,~JA f. sh. ~E, ~ET Ajo që punon në fushën e arsimit, duke dhënë mësim në shkollë; mësimdhënëse, mësuese ose pedagoge. Arsimtare e zellshme. Arsimtare e gjuhës shqipe. Përgatitja e arsimtareve për garën e nxënësve u lavdërua.
✱Sin.: arsimuese, mësuese, mësimdhënëse, profesore, pedagoge, edukatore.

MËSIMDHËNËS

MËSIMDHË́NË́S,~E mb. 1. Që jep mësim; mësimor. Forcat mësimdhënëse.
2. Që të mëson, didaktik; që të edukon, edukues. Tregim mësimdhënës.

MËSIMDHËNËSE

MËSIMDHË́NË́S/E,~JA f. sh. ~E, ~ET Ajo që jep mësim, mësuese, arsimtare. Mësimdhënëse në shkollën e mesme.

MËSUESE

MËSÚES/E,~JA f. sh. ~E, ~ET Ajo që jep mësim në një shkollë nëntëvjeçare a të mesme; arsimtare; mësimdhënëse. Mësuesja e klasës së parë. Bëj konsultë me mësuesen e matematikës (të gjuhës).
✱Sin.: mësimdhënëse, arsimtare, dhaskale, dhaskaleshë, profesore, shkollare, edukatore.

PEDAGOGE

PEDAGÓG/E,~IA f. sh. ~E, ~ET ars. Ajo që mëson dhe edukon të rinjtë, duke zbatuar parimet dhe metodat e pedagogjisë; specialiste për pedagogji; mësuese në një shkollë të lartë; titulli i kësaj mësueseje. Pedagoge e jashtme pedagoge që jep mësim në një shkollë të lartë pa qenë punonjëse e përhershme e kësaj shkolle. Pedagoge e brendshme pedagoge që jep mësim në një shkollë të lartë duke qenë punonjëse e përhershme e kësaj shkolle. Pedagoge me kohë të plotë. Pedagoge me kohë të pjesshme. Pedagoge e palodhur. Pedagoge në universitet. Pedagoget e para të arsimit tonë.
✱Sin.: edukatore, mësuese, mësimdhënëse, arsimtare.

PROFESORAT

PROFESORÁT,~I m. sh. ~E, ~ET libr. Tërësia e profesorëve në një universitet, në një qendër a institut kërkimoro-shkencor; trupa akademiko-mësimdhënëse në një shkollë të lartë. Takime pune (diskutime) me profesoratin.

PËRBËRJE

PËRBË́RJ/E,~A f. sh. ~E, ~ET 1. Tërësia e njerëzve dhe mënyra e ndërtimit a e organizimit të brendshëm të një grupi shoqëror a shtrese shoqërore, të një organizate a organi, të një kolektivi etj. sipas gjendjes shoqërore, prejardhjes së tyre, punës që kryejnë, arsimit etj. Përbërja e popullsisë. Përbërja klasore e shoqërisë. Përbërja e trupës mësimdhënëse. Përbërja e trupit gjykues.
2. Tërësia e lëndëve të diçkaje dhe mënyra e përzierjes së tyre në përpjesëtime të caktuara dhe sipas një ndërtimi të brendshëm. Përbërja kimike (fizike). Përbërja e tokës (e trupave qiellorë).
✱Sin.: strukturë, brumë, ndërtim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë