Fjalori

Rezultate në përkufizime për “mëshirim”

Mëso si ta përdorësh
<<< Kthehu te kërkimi kryesor në fjalor

HALLALLIM

HALLALLÍM, ~I m., bised. 1. Falja a ndjenja e faljes, mosvënia re e fajit ose e gabimit që dikush ka bërë; bërja hallall. Hallallimi i fajit.
2. Dhënia e një hallalli a dhurate dikujt. Hallallimi i jetës dhurimi i jetës.
✱Sin.: falje, ndjesë, mëshirim, dhurim.

LIGJIM

LIGJÍM,~II m. sh. ~E, ~ET vjet. 1. Veprimi kur ligjoj dikë a diçka.
2. Diçka që vërteton se dikush është i pafajshëm, shfajësim.
✱Sin.: rrëfim, ligjërim, shfajësim, përligjje, ngushëllim, mëshirim, pagëzim.

MOSMËSHIRIM

MOSMËSHIRÍM,~I m. Situatë në të cilën nuk tregoj mëshirë për dikë; mungesë mëshire; kund. mëshirim. U krijua një gjendje e rëndë nga mosmëshirimi.

MËSHIRIM

MËSHIRÍM,~I m. sh. ~E, ~ET 1. Veprimi kur mëshiroj dikë ose kur mëshirohem. Nuk kishin shkruar atje për mëshirim.
2. Mëshirë. E pa si me mëshirim. Nuk ka mëshirim.

MËSHIRË

MËSHÍR/Ë,~A f. 1. Ndjenjë e thellë dhembshurie e keqardhjeje për një njeri të mjerë a fatkeq dhe dëshira për t’i ndihmuar atij. Ndjeu mëshirë për të. E pa me mëshirë.
2. Dëshira a prirja e dikujt, që nga dhembshuria e butësia shpirtërore përpiqet t’ia falë a t’ia zbutë fajin a gabimin një tjetri, të bëjë lëshime etj. Kërkoi mëshirë. Tregoi mëshirë për dikë. S’ka mëshirë për të tjerët. Ishin në mëshirën e tij.
3. Me parafjalën pa formon një shprehje ndajfoljore, me kuptimin ‘rreptë, ashpër, keqas, egërsisht, mizorisht’. E rrahu pa mëshirë. Shfrytëzoheshin pa mëshirë.
4. fet. Dhembshuria, ndihma dhe përkrahja e Zotit; hir.
✱Sin.: keqardhje, dhembshuri, zemërbutësi, shpirtbutësi, përdëllim, mëshirim, hir.
♦ E lë në mëshirë të fatit (dikë a diçka) e lë jashtë, e lë pa gjë në rrugë të madhe; e braktis pa treguar asnjë kujdes për të; e luan në kumar.

PËRDËLLIM

PËRDËLLÍM,~I m. sh. ~E, ~ET 1. Veprimi kur përdëllej ose kur përdëllehem.
2. Dhembshuri, mëshirë. Nuk kërkonin përdëllim.
3. Ngushëllim.
✱Sin.: mëshirim, mëshirë, ngushëllim, dhembshuri, mallëngjim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë