Fjalori

Rezultate në përkufizime për “mërsinë”

Mëso si ta përdorësh
<<< Kthehu te kërkimi kryesor në fjalor

CIMARTE

CIMÁRT/E,~JA f. sh. ~E, ~ET bot. Shkurre me gjethe të vogla si të shegës, që bën lule të verdha, kokrra të zeza dhe që rritet në vende bregdetare, mërsinë.

MORTEZË

MORTÉZ/Ë,~A f. sh. ~A, ~AT Mërsinë.

MËRSINË

MËRSÍN/Ë,~A f. sh. ~A, ~AT bot. 1. (lat. Myrtus communis) Shkurre me gjethe të imta me majë të mprehtë e përherë të gjelbra, me lule të bardha që bëjnë kokrra të vogla të ngrënshme ngjyrë blu, nga degët e së cilës kullon një lëng me erë të mirë; netull. Mërsina është përdorur për kurimin e shumë sëmundjeve. Shkoi në mal e solli degë mërsine. Kokrra mërsine. Erë mërsine. Mërsinë mali qershigël, rrush thëllëze.
2. (lat. Myrtus cerifera) Pjesë e parë e emërtimit për një lloj mërsine të njohur si mërsina e dyllit ose mërsina dyllëmbajtëse, frutat e së cilës përdoren si burim për të bërë dyllë, kryesisht për qirinj dhe dekorime tradicionale.
3. (lat. D. Oleoides) Pjesë e parë e emërtimit për një lloj mërsine të njohur si mërsina e malit; xerxele, xerxele si ulli, bar thëllëze, qershi e egër, rrush thëllëze, xerxele gjetheulliri, xerxele fletulliri.
✱Sin.: netull, xerxele.

NETULL

NÉTULL,~A f. sh. ~A, ~AT 1. bot. Bimë e egër barishtore dyvjeçare, që rritet deri në një metër e gjysmë, me gjethe si të lëpjetës, me kërcell të fortë e me lule të vogla e të verdha në formë vileje, fijet e së cilës përdoren për të bërë fshesa.
2. bot. (Myrtus communis) Mërsinë. Ha netulla. Fshesë netulle.
3. krahin. Fshesë. Fshij me netull.
4. Ana e pëlhurës, e endur në mënyrë që të mos i dalin fijet, palë e rrobës. Pres netullën.
✱Sin.: fshesë, mërsinë, palë, melekuqe.

SHIMSHIR

SHIMSHÍR,~I m. sh. ~Ë, ~ËT [SHEMSHÍR,~I] bot. 1. (lat. Buxus sempervirens L.) Shkurre me gjelbërim të përhershëm. Çibuk shimshiri. Shtëpi e rrethuar me shimshir. Krasit shimshirin. Gërshërë për shimshir.
2. bot. (lat. Salix) Lloj shelgu.
3. (lat. Myrthus communis) Shkurre ose dru me gjelbërim të përhershëm, me gjethe përgjatë gjithë degëve, që përmbajnë një lloj vaji aromatik, me lule të bardha me ngjyrim të kuq, që lidhin kokrra të vogla që nxihen kur piqen; mërsinë, mente.
✱Sin.: bush, bushk, kastër, pikës, mërsinë, mente, merët, lestine, cimarte, netull.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë