Fjalori

Rezultate në përkufizime për “mëpastajshëm”

Mëso si ta përdorësh
<<< Kthehu te kërkimi kryesor në fjalor

MËPASMË

MËPÁSM/Ë (i), ~E (e) mb. Që vjen më pas në kohë, i mëvonshëm, i mëpasshëm; kund. i mëparshëm, i mëpërparmë. Verën e mëpasme filloi punë si inxhinier. Vitet e mëpasme. Botimet (literatura) e mëpasme.
✱Sin.: i mëpastajshëm, i mëpasshëm, i mëvonshëm, i mëtejshëm, i vonshëm, i pasmë, i pastajmë.

MËPASSHËM

MËPÁSSH/ËM (i), ~ME (e) mb. Që vjen a që ndodh më pas, i mëpastajshëm, i mëvonshëm; kund. i mëparshëm, i mëpërparmë. Në vitet e mëpasshme. Rrjedha e mëpasshme e ngjarjeve. Lexoj kapitujt e mëpasshëm. Shikoj ndryshimet e mëpasshme të kohës. U habita nga reagimi i mëpasshëm i tij.
✱Sin.: i mëpastajshëm, i mëvonshëm, i mëpasmë, i mëvonshëm, i mëtejshëm, i vonshëm, i pasmë, i pastajmë.

MËPASTAJMË

MËPASTÁJM/Ë (i), ~E (e) mb. I mëpastajshëm. Në shekujt e mëpastajmë. Për brezat e mëpastajmë.

MËPASTAJSHËM

MËPASTÁJSH/ËM (i), ~ME (e) mb. 1. Që ka ndodhur më pas, që është bërë pas diçkaje tjetër; që është bërë më vonë. Ngjarjet e mëpastajshme. Zbulimet e mëpastajshme. Shkrimet e mëpastajshme.
2. Që ka ardhur më pas, që është dukur pas të tjerëve, që është shfaqur më vonë. Shkrimtarët e mëpastajshëm. Studiuesit e mëpastajshëm. Ditët e mëpastajshme.
✱Sin.: i mëpasshëm, i mëvonshëm.

MËVONSHËM

MËVÓNSH/ËM (i), ~ME (e) mb. Që vjen më vonë në kohë, që bëhet a që ndodh më vonë, i mëpasshëm; kund. i mëparshëm. Punimet e mëvonshme. Periudha e mëvonshme. Ngjarjet (pasojat) e mëvonshme.
✱Sin.: i mëpastajshëm, i mëpasshëm, i mëpasmë, i mëtejshëm, i vonshëm, i mëvonë, i pasmë, i pastajmë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë