Fjalori

Rezultate në përkufizime për “mëlmyer”

Mëso si ta përdorësh
<<< Kthehu te kërkimi kryesor në fjalor

BULMETSHËM

BULMÉTSH/ËM (i), ~ME (e) mb. 1. Që jep shumë qumësht, qumështore (për lopët, delet, dhitë etj.), bulmetore. Lopë (dele, dhi) e bulmetshme.
2. Që është bërë me shumë bulmet; i yndyrshëm. Qumështor i bulmetshëm. Gatesë e bulmetshme.
3. Që ka mjaft lëng e është i shijshëm. Pemë e bulmetshme.
4. fig., bised. Që sjell fryt e dobi, frytdhënës, i bereqetshëm. Punë e bulmetshme. Veprim (bashkëpunim) i bulmetshëm. S’ishte aq i bulmetshëm sa e kërkonim. Paraja me djersë është e bulmetshme. (fj. u.).
✱Sin.: bulmetore, qumështore, i yndyrshëm, i mëlmyer, i yndyrtë, i lyrshëm, i bulmuar, i mëlmyeshëm, frytdhënës, i bereqetshëm, i frytshëm, i dobishëm, i bukshëm.

BULMETUR

BULMÉTUR (i, e) mb. I ndrequr me yndyrë; i mëlmyer. Gatesë e bulmetur.

BULMUAR

BULMÚAR (i, e) mb. 1. I bulmetshëm2. Byrek i bulmuar mirë. Gatesë e bulmuar.
2. fig. I mirë, i gjetur, i përkorë, që ka shije (fjala, kuvendi etj.). Fjalë e bulmuar. Kuvend i bulmuar. Shprehje të bulmuara.
✱Sin.: i yndyrshëm, i mëlmyer, i yndyrtë, i lyrshëm, i mëlmyeshëm.

LYER

LÝER (i, e) mb. 1. Që është lyer me bojë a me një lëndë tjetër të lëngshme ose të butë. Me faqe (me buzë) të lyera. Mure të lyera. Shtëpi e lyer. Dollap i lyer. Këpucë të lyera.
2. Që është zhytur e është njomur në një lëng; i fëlliqur, i përlyer. Me rroba të lyera. Me duar të lyera.
3. fig., keq. Që është njollosur nga ana morale; që ka marrë pjesë në diçka të keqe, i përlyer, i fëlliqur. Njeri i lyer. Rrinte si i lyer.
✱Sin.: i bojatisur, i zhytur, i njomur, i mëlmyer, i fëlliqur, i përlyer, i njollosur.

MASHËNGJYER

MASHËNGJÝER (i, e) mb. Që është lyer me yndyrë, zakonisht me vaj ose me gjalpë; i ngjyer. Një lakror i mashëngjyer me gjalpë. Petë të mashëngjyera me vaj ulliri.
✱Sin.: i lyer, i ngjyer, i mëlmyer.

MËLMEJ

MËLM/ÉJ vep., ~ÉVA, ~ÝER kal. 1. I hedh gjellës yndyrë, bulmoj; i hedh përsipër yndyrë, lëng limoni etj. Mëlmej gjellën. Mëlmej lëpjetat në vaj e lëng limoni.
2. Lyej bukën me gjalpë, mustardë etj. Përdor majonezë për të mëlmyer sanduiçin. Ky krem përdoret për të mëlmyer fetat e bukës.
3. Shoqëroj bukën a një gjellë me diçka tjetër; bulmoj. Mëlmej bukën me djathë.

MËLMYER

MËLMÝER (i, e) mb. 1. Që i është shtënë yndyrë ose një lëng tjetër. Një pjatë plot me lulelakër të mëlmyer me vaj e uthull.
2. Që është lyer me gjalpë, dhjamë a me diçka tjetër; i yndyrshëm, i bulmuar. Gjellë e mëlmyer. Bukë e mëlmyer.
3. Që është ushqim i shoqëruar me diçka tjetër. Byreku u shërbye i mëlmyer me dhallë.
4. fig. Që vjen i shoqëruar njëkohësisht me diçka tjetër, i bashkëshoqëruar (dikush ose diçka). Grua e mëlmyer në trishtim. E ka zemrën të mëlmyer me mirësi. Zgjidhje të mëlmyer me mëdyshje. Cinizëm i mëlmyer me humor të fortë.
✱Sin.: i lyer, i ngjyer, i yndyrshëm, i bulmuar, i shoqëruar, i bashkëshoqëruar.

YNDYRSHËM

YNDÝRSH/ËM (i), ~ME (e) mb. 1. Që ka shumë yndyrë; i lyrshëm; kund. i payndyrshëm. Qumësht i yndyrshëm. Djathë i yndyrshëm. Gjellë e yndyrshme.
2. Që lëshon shumë yndyrë, që mban shumë yndyrë në sipërfaqe. Lëkurë e yndyrshme. Flokë të yndyrshëm.
✱Sin.: i yndyrtë, i lyrshëm, i mëlmyeshëm, i bulmetshëm, i mëlmyer, i parrahur, i pamazitur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë