Fjalori

Rezultate në përkufizime për “mëkatare”

Mëso si ta përdorësh
<<< Kthehu te kërkimi kryesor në fjalor

DALLDISJE

DALLDÍSJ/E,~A f. 1. Gjendje kur dalldisim; rënie në dalldi. Dalldisje e pazakontë (e lehtë). Dalldisje moshe. Dalldisje e kohëpaskohshme. Çaste dalldisjeje. U duk si dalldisje. Mbylli sytë dhe pëshpëriti e këndellur në dalldisje.
2. Rritje a shpërthim me vrull e në mënyrë të fuqishme e diçkaje; harlisje. Dalldisja erës. Dalldisja e grurit. Me flokët e dalldisur dhe sytë e hapur tej mase.
3. Guxim për të bërë diçka pa u thelluar për pasojat; kuturisje. Dalldisje poetike. Dalldisje e çmendur (mëkatare). S'mund të shohë te ai dalldisjen e tij krijuese.
✱Sin.: hutim, shpërthim, harlisje.

DHESHËM

DHÉSH/ËM (i), ~ ME (e) mb. 1. Që lidhet me dheun, që i përket dheut, tokësor. Ai nuk është mbret i dheshëm. Ku çlodhen të dheshmit, i fundmi dhe i pari.
2. fet. Që karakterizohet nga dobësia e natyrës njerëzore, e cila e shtyn të mëkatojë; kund. qiellor. Njeriu i dheshëm të mos tmerrojë më askënd. Mos mendoni për gjëra të dheshme! Njeriu i dheshëm jeton me natyrën e tij mëkatare.
✱Sin.: tokësor, i dhertë, mëkatar, i dobët.

FAJTORE

FAJTÓR/E,~JA f. sh. ~E, ~ET edhe drejt. Ajo që ka bërë një faj. Fajtoret ishin dorëzuar.
✱Sin.: shkaktare, përgjegjëse, dorase, mëkatare.

GJYNAHQARE

GJYNAHQÁR/E,~JA f. sh. ~E, ~ET 1. fet. Ajo që bën një gjynah, sipas fesë myslimane; mëkatare.
2. bised. Ajo që është për të ardhur keq; e shkretë, e gjorë.
✱Sin.: e shkretë, e gjorë.

MËKATAR

MËKATÁR,~E mb. 1. fet. Që ka bërë mëkat ose priret për të bërë mëkate (dikush). Njeri mëkatar.
2. Që konsiderohet e gabuar sipas besimit fetar, që përbën mëkat (diçka). Dëshirë mëkatare. Vepër mëkatare.

MËKATNORE

MËKATNÓR/E,~JA f. sh. ~E, ~ET Mëkatare. Nuk flas për mëkatnoret e tjera.

MËKATSHMËRI

MËKATSHMËRÍ,~A f., fet. Pasja e një natyre mëkatare, të qenët me mëkate. Ka një mëkatshmëri individuale për secilin, të gjithë janë mëkatarë. Fjalët dhe veprimet tona deri diku janë të ndikuara nga mëkatshmëria jonë e trashëgueshme.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë