Fjalori

Rezultate në përkufizime për “mëkëmbës”

Mëso si ta përdorësh
<<< Kthehu te kërkimi kryesor në fjalor

BEDEL

BEDÉL,~I m. sh. ~Ë, ~ËT 1. hist. Ai që shkonte në vend të një tjetri në ushtri ose në një punë të detyruar kundrejt një pagese. Bedel në ushtri. Dërgoi (vuri, pagoi) bedel. Shkoi (hyri) bedel. Punoi bedel. Bedel në Qabe ai që shkon si mëkëmbës në pelegrinazhin e Mekës a të Medinës në vend të ndonjërit, i cili nuk është në gjendje të mirë shëndetësore ose për shkak të moshës së thyer, duke ia paguar të gjitha shpenzimet.
2. keq. Ai që bën një punë në vend të një tjetri, i cili e ka për detyrë; ai që bën a pëson diçka në vend të një tjetri kur nuk duhet. S'bëhem bedel i tjetrit. Sjellje bedeli. Nuk pranon bedelë. - S'ka bedel sot! - Nuk ju jap bedelë për ta. I biri kishte shkuar bedel. S’desh të shkonte bedel.
3. hist. Taksë që paguhej në kohën e pushtimit turk nga meshkujt myslimanë për të zëvendësuar shërbimin ushtarak, asqerie; pagesë që jepej në vend të punës së detyrueshme. Bedeli i rrugës. Taksa e bedelit. Të hollat e bedelit. Paguanin bedelin.

BEJLERBE

BEJLERBÉ,~U m. sh. ~J, ~JTË hist. Funksionar i lartë shtetëror në kohën e Perandorisë Osmane; mëkëmbës i sulltanit në një vilajet. Bejlerbeu i Rumelisë. Bejlerbeu i fundit i krahinës. U ngrit në gradën e bejlerbeut.

JAVER

JAVÉR,~I m. Oficer i ngarkuar të qëndrojë pranë një sovrani, një komandanti etj. për ta ndihmuar e për të transmetuar urdhrat që merr; ndihmës, vartës; adjutant. Ali Pasha thërret javerin, e me buri po ma mbledh asqerin.
✱Sin.: ndihmës, vartës, mëkëmbës, adjutant.

KAJMEKAM

KAJMEKÁM,~I m. ~Ë, ~ËT 1. hist. Zyrtar i lartë në Perandorisë Osmane; zëvendësi i guvernatorit të një vendi a të një krahine; mëkëmbës, nënprefekt. E kishin bërë kajmekam.
2. fig., bised., mospërf., iron. Ai që i shërben verbërisht shefit, kryetarit etj.
✱Sin.: mëkëmbës, nënprefekt.

LEGAT

LEGÁT,~I m. sh. ~Ë, ~ËT hist. 1. Mëkëmbës romak, nëpunës romak që ngarkohej nga senati për të mbikëqyrur sundimtarët e provincave.
2. I dërguar personal i Papës në kombet e huaja, i autorizuar për çështjet e besimit katolik dhe për zgjidhjen e çështjeve kishtare.
3. Përfaqësues i shtetit ose monarkisë.
4. drejt. Pasuri e lënë me testament që trashëgimlënësi nga pasuria e tij i lë një personi të caktuar.

MËKËMBËS

MËKË́MBËS,~I m. sh. ~, ~IT 1. Ai që zëvendëson dikë dhe vepron në emër të tij, zëvendës, përfaqësues. Mëkëmbës i tij. Mëkëmbësi i profetit.
2. Ai që qeveris një vend në emër të një mbreti. Mëkëmbësi i mbretit. U caktua si mëkëmbës.
3. dipl., vjet. Përfaqësues i një shteti në një shtet tjetër; përfaqësues diplomatik.

NËKËMBËS

NËKË́MBËS,~I m. sh. ~, ~IT Mëkëmbës. Nëkëmbës i mbretit.

PROKONSULL

PROKÓNSU/LL,~LLI m. sh. ~J, ~JT vjet. Mëkëmbës në krahinat romake, që vepronte në emër të konsullit.

VEQIL

VEQÍL,~I m. sh. ~Ë, ~ËT vjet. Mëkëmbës, zëvendës, përfaqësues a dëshmitar i dikujt. Veqil i dhëndrit (i nuses). Veqili i mbretit.

ZËVENDËS

ZËVÉNDËS,~I m. sh. ~, ~IT Njeri i caktuar për të zëvendësuar në një detyrë a për të ndihmuar drejtpërdrejt e me përgjegjësi një tjetër, prej të cilit varet. Zëvendësi i parë. Zëvendësi i përgjegjësit (i drejtorit, i ministrit).
✱Sin.: këmbës, mëkëmbës, ndihmës, pasardhës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë