Fjalori

Rezultate në përkufizime për “lurtoj”

Mëso si ta përdorësh
<<< Kthehu te kërkimi kryesor në fjalor

BLOFOJ

BLOF/ÓJ vep., ~ÓVA, ~ÚAR libr., jokal. Bëj blof, mashtroj me diçka të paqenë. Blofon e nuk ka turp. Blofon më shumë me kartat e veta. Është duke blofuar.
✱Sin.: mashtroj, gënjej, rrej, tundoj, njimtoj, shpërkëndej, torrloj, lurtoj, laroj, kurthoj, qesh.

LAJKATOJ

LAJKAT/ÓJ vep., ~ÓVA, ~ÚAR kal. 1. keq. I bëj lajka dikujt, për ta marrë me të mirë dhe për të nxjerrë ndonjë përfitim prej tij, i them fjalë lajkatuese, e marr me lajka. I lajkatoi disa herë.
2. E përkëdhel a e ledhatoj dikë; e marr me të mirë. E lajkatonte shumë vajzën.
✱Sin.: lajkëroj, laritem, laroj, lazmoj, lurtoj, ngashënjej, ledhatoj, përkëdhel.

LEDHATOJ

LEDHAT/ÓJ vep., ~ÓVA, ~ÚAR kal. I fërkoj kokën etj. dikujt me butësi e dashuri; i them dikujt fjalë të ëmbla e i sillem ngrohtë, e marr dikë me të mirë; e përkëdhel. I ledhatonte flokët (kokën). I ledhaton fëmijët.
✱Sin.: përkëdhel, lajkatoj, lazdroj, lurtoj, përhosh, argëtoj, fërkoj, urtoj, zbunoj.

MASHTROJ

MASHTR/ÓJ vep., ~ÓVA, ~ÚAR kal. 1. E gënjej dikë me qëllim duke përdorur dredhi, lajka, premtime të rreme etj.; e bëj të besojë diçka që nuk është e vërtetë. Gruaja i kallëzoi drejt e nuk e mashtroi. Kishte mashtruar për të marrë paratë. Shitësi mashtronte blerësit.
2. I bëj hile dikujt në një lojë. E mashtroi kundërshtarin.
3. Më jep përshtypjen e gabuar. Pamja e jashtme të mashtron.
4. Më bën që të gaboj, më gënjen. Sytë më mashtrojnë. E mashtroi gjumi (dikë) e zuri gjumi.
✱Sin.: gënjej, rrej, kurthoj, dredhoj, tundoj, blofoj, njimtoj, shpërkëndej, torrloj, lurtoj, laroj.

PËRKËDHEL

PËRKËDHÉL vep., ~A, ~UR kal. 1. E fërkoj dikë lehtë me dorë, i lëmoj një pjesë të trupit për t’i shprehur ndjenja dashurie a dashamirësie, e ledhatoj. I përkëdheli kokën (flokët, faqet, duart).
2. fig., vet. v. III Prek a çik lehtë diçka, lëmon. Valët përkëdhelin bregun. Era i përkëdhelte fytyrën.
3. fig. I them dikujt fjalë të ëmbla, i shpreh me mënyra të ndryshme dashurinë a dashamirësinë. Përkëdhel fëmijën.
4. fig., keq. E marr dikë me të mirë, duke i plotësuar edhe tekat e trillet, duke mos e qortuar për gabimet që bën etj. E kanë përkëdhelur (tepër). Nuk e ka përkëdhelur jeta.
5. fig. Shpresoj me një kënaqësi të brendshme që të më plotësohet një dëshirë a qëllim. Përkëdhelte një dëshirë (një ëndërr) të fshehtë.
✱Sin.: ledhatoj, dhel, lëmoj, mikloj, fërkoj, përgëzoj, llastoj, gëzoj, lajkatoj, lurtoj, lazdroj, lazmoj, ndrys, urtoj, hiroj, argëtoj, çkalit, zbunoj, viduloj, osh, lalush, zdat, lëmes, nanuris, vesk, përhosh, prek, çik, cek, ëmbëlsoj, shpresoj, përkund.

SHERRIT

SHERRÍT vep., ~A, ~UR kal. dhe jokal. 1. Veproj me dinakëri, shes e blej fjalë me djallëzi, dhelpëroj. I sherriti shokët. - Mos sherrit! I vjen për dore të sherritë.
2. Mashtroj, bëj me hile, bëj dredhi. E sherriti e ia bleu lopën shumë lirë. E sherriti keqas. Sherrit mirë kur do ai.
✱Sin.: dhelpëroj, dredhoj, torloj, mashtroj, gënjej, kurthoj, lurtoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë