Fjalori

Rezultate në përkufizime për “luftanije”

Mëso si ta përdorësh
<<< Kthehu te kërkimi kryesor në fjalor

AEROPLANMBAJTËSE

AEROPLANMBÁJTËS/E,~JA f. sh. ~E, ~ET usht. Anije e madhe ushtarake, që ka pistë për ngritjen e uljen e aeroplanëve dhe hangarë për qëndrimin e tyre; luftanije ajrore; anije ajrore ushtarake (luftarake) që u shërben avionëve si bazë ajrore e lëvizshme në det për fluturim dhe zbarkim, në rastet kur janë larg bazave të tyre tokësore. Ekuipazh i aeroplanmbajtëses. Aeroplanmbajtëse bërthamore aeroplanmbajtëse që punon me energji bërthamore. Riparimi (ndërtimi, pastrimi) i aeroplanmbajtëses.

ANKORUAR

ANKORÚAR (i, e) mb. Që është ankoruar; ka hedhur spirancën për të ndaluar në një vend (për një anije, për një traget etj.). Barkë e ankoruar. Anije të ankoruara. Luftanije e ankoruar

BRIGADË

BRIGÁD/Ë,~A f. sh. ~A, ~AT 1. usht. Njësi e përbërë nga disa regjimente ose nënreparte (batalione, grupe, kompani); njësi e flotës detare ushtarake e përbërë nga disa luftanije të një lloji. Brigadë këmbësorie (artilerie). Brigadë tankiste (xheniere). Komandant brigade. Shtabi i brigadës. Batalionet e brigadës. Gjeneral brigade. Brigadë kalorësie (e motorizuar). Ekuipazhi i brigadës detare. Brigadë paqeruajtëse (shumëkombëshe, sulmuese).
2. Njësi e organizuar të rinjsh, vullnetarësh etj. Brigada e vullnetarëve. Brigada e rindërtimit.
3. Grup i organizuar njerëzish që bëjnë një punë të caktuar në industri, në bujqësi etj.; grup i vogël njerëzish i ngarkuar përkohësisht për të kryer një detyrë. Brigada e arave. Brigadë druvarësh. Brigada e sharrëtarëve. Mjeshtërit e brigadës së ndërtimit.

DESTROJER

DESTROJÉR,~I m. sh. ~Ë, ~ËT usht. Një tip anijeje ushtarake ose avion sulmues i shpejtë, që përdoret kryesisht për të kryer sulme ose për të mbrojtur anije të tjera; ndjekës. Me destrojer. Luftanije shoqëruese, më e vogël se destrojeri. Është një destrojer amerikan.

MBIUJOR

MBIUJÓR,~E mb. 1. Që zhvillohet ose që jeton mbi sipërfaqen e ujit (zakonisht për bimët); kund. nënujor. Bimë me kërcell mbiujor.
2. I mbiujshëm; kund. nënujor, i nënujshëm. Luftanije mbiujore. Autostradë mbiujore. Ndërtohet lidhja mbiujore midis dy qyteteve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë