Fjalori

Rezultate në përkufizime për “llurbët”

Mëso si ta përdorësh
<<< Kthehu te kërkimi kryesor në fjalor

LLURBËS

LLÚRBËS,~E mb. Që vjen si llurbë; i llurbët. Fik llurbës. Pjepër llurbës.

LLURBËT

LLÚRBËT (i, e) mb. 1. Që është i squllët; që ka llucë. Baltë (borë) e llurbët. Vend i llurbët.
2. Që është i turbulluar e me papastërti të ndryshme; që është i përzier me llum. Ujë (vaj) i llurbët. Uthull (verë) e llurbët.
3. Që është si qull i trashë (për ushqime të ndryshme); që është bërë si qull ngaqë është zier shumë (për gjellët). Ushqime të llurbëta. Gjellë e llurbët. Vezë e llurbët vezë surbull, e pazier mirë.
4. fig., mospërf. Që është shumë i shëndoshur e me mishra të varur. Plak i llurbët. Plakë e llurbët.
✱Sin.: i squllët, llurbës.

LLURBËTIRË

LLURBËTÍR/Ë,~A f. sh. ~A, ~AT 1. Baltë e llurbët; borë e llurbët; vend me llurbë.
2. Llum, llurbë në fund të enës. Llurbëtira e vajit (e verës). Llurbëtira e kafesë. U bë llurbëtirë u trazua.
3. Diçka e lëngshme, që është e turbullt dhe pa shije. Pinte një llurbëtirë të keqe.
4. Ushqim i llurbët që përdoret për kafshët. Llurbëtirë kafshësh.
5. Gjellë e llurbët dhe jo e shijshme. Nuk e ha dot atë llurbëtirë. Vezë e llurbët vezë e zier pak, që është e qullët brenda.
6. Llum plage. Nga plaga i kulloi llurbë për ditë të tëra.
7. fig., keq. Fundërria e njerëzve; diçka krejt e pavlefshme ose e dëmshme; llum. Llurbëtira e shoqërisë.
✱Sin.: turbullirë, lluburdinë, llurbë, llucë, fundërri, fundërrinë.

SQULLËT

SQÚLLËT (i, e) mb. 1. Që është bërë si qull. Amvisa i bëri salcë domatet e squllëta. Frutat e squllëta i hoqën nga arkat që do të shkonin nëpër dyqane.
2. fig. I dobësuar; i rënë, i dobësuar, i sqaqur. Sportisti i moshuar nuk e kishte më trupin si dikur, muskujt e squllët dhe profili i kërrusur ishin pjesë e figurës së tij tashmë.
✱Sin.: i ndulkët, i zbutur, i zbrujtur, i qullët, qull, i brumtë, i baltemë, baltavec, i baltur, i llurbët, i flashkët, qullash.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë