Fjalori

Rezultate në përkufizime për “llup”

Mëso si ta përdorësh
<<< Kthehu te kërkimi kryesor në fjalor

COPIT

COPÍT (COPÍS) vep., ~A, ~UR jokal., bised. Ha shpesh dhe shumë, llufit. E copiti të gjithë gjellën. E copiti të gjithën.
✱Sin.: llup, kollofit.

GLLABËROJ

GLLABËR/ÓJ vep., ~ÓVA, ~ÚAR kal. 1. Ha diçka menjëherë e me uri; përpij, përlaj. Gllabëroi gjithë ushqimin prej urisë së madhe. I gllabëroi të gjitha.
2. Rrëmbej; pushtoj me dhunë një vend etj. Ia gllabëroi pasurinë (paratë). Imperialistët përpiqen t'i gllabërojnë vendet e vogla.
3. vet. v. III, bised. Përmbyt; mbulon. Lumi gllabëroi xhadenë. I gllabëroi errësira.
4. fig. Shoh me lakmi të madhe dikë a diçka, i hedh një vështrim të shpejtë e plot me dëshirim, e përpij. E gllabëroi me sy.
5. fig. (zakon. me një trajtë të shkurtër të përemrit vetor në r. kallëzore) Më rrëmben me gjithë forcën diçka, më tërheq shumë, më bën për vete, më pushton tërësisht. E gllabëroi muzika (filmi, libri).
✱Sin.: përpij, përlaj, shpëlaj, gëlltis, llup, llufis, faroj, faros, kapërdij, skllup, thith, përfshij, fshij, rruaj, rrufis, rrumbulloj, rrushkulloj, kollofis, rrëmbej, kllapis, qëroj, copis, pushtoj, tërheq.

KOLLOFIT

KOLLOFÍT (KULLUFÍT) vep., ~A, ~UR bised., kal. Gëlltit menjëherë diçka që kam marrë në gojë, por pa e përtypur; e kapërdij me një frymë; e ha diçka shpejt e shpejt dhe me shumë oreks; e përlaj, e llup, rrufit. E kollofiti mishin menjëherë. E kollofiti peshkaqeni.
✱Sin.: gëlltit, kapërdij, llufit, rrufit, përlaj, llup.

KULLUFIT

KULLUFÍT vep., ~A, ~UR Llup, gëlltit përnjëherë. E kullufiti copën e mishit.

LLAP

LLAPI vep., ~A, ~UR 1. bised., keq., kal. Pi ose ha shpejt e shpejt diçka të qullët, duke e marrë me gjuhë (zakonisht për qentë e për macet); ha. Llap hirrën. Llap qumështin. E ka llapur macja gjellën.
2. kal., vet. v. III E lëpin me gjuhë (për kafshët); llup. Bushtra llap këlyshët. Lopa llap viçin.

LLAP-LLUP

LLAP-LLÚP ndajf., keq. 1. Duke ngrënë në mënyrë të pahijshme. Bën llap-llup në sofër.
2. Ujqërisht, egërsisht.

LLAPIT

LLAPÍT vep., ~A, ~UR kal. Llup.

LLAPOJ

LLAP/ÓJI vep., ~ÓVA, ~ÚAR kal. Pi shpejt e shpejt diçka të qullët, duke e marrë me gjuhë, llap; e ha diçka shpejt e shpejt e menjëherë, llup, llufit. E llapoi qeni (macja). E llapoi gjellën. Kishte llapuar gjellën e nxehtë dhe i ishte përvëluar gjuha.

LLAPËTOJ

LLAPËT/ÓJI vep., ~ÓVA, ~ÚAR keq., kal. Ha, llup; kllapit.

LLUFIT

LLUFÍT (LLUFÍS) vep., ~A, ~UR bised., kal. Kapërdij ushqimin menjëherë pa e përtypur; ha gjithë ushqimin, ha e shpejt e shpejt; llup. Llufit gjellën. Llufiti një bukë të tërë. I llufiti thelat e mishit. E llufiti njëherësh.
✱Sin.: llup, përlaj, kollofis, kollofit.

LLUP

LLUPI vep., ~A, ~UR bised., kal. 1. Ha shumë dhe e kapërdij ushqimin menjëherë; e ha një ushqim të gjithin e shpejt e shpejt. E llup gjellën. E llupi të tërë mishin (byrekun). E llupi menjëherë (përnjëherë).
2. fig. Rrëmbej, zhvat diçka me shumicë e menjëherë. Di vetëm të llupë.
✱Sin.: përlaj, zhvat, kollofit, llap, llufit, llapit, llapoj, skllup, copit.

LLUP

LLUP,~II m. sh. ~A, ~AT Gropë e barkut të kafshës në të dy anët e kurrizit që bie në sy kur kafsha nuk ka ngrënë; tuntë. Mos i gjuaj lopës në llup, se ia mbyt viçin. Llup për llup me dy anët e barkut bashkuar, pa ngrënë asgjë (gjëja). Janë lopët llup për llup, s’kanë asgjë për të ngrënë.

LLUP

LLUP,~III m. sh. ~A, ~AT 1. bot. Fik kokërrmadh.
2. si mb. Që është kokërrmadh.

RRUFIT

RRUFÍT (RRUFÍS) vep., ~A, ~UR kal. 1. Pi pak nga pak diçka, gjerb, surb. Rrufit kafenë. Fëmijët rrufitën supën dhe ranë në gjumë.
2. E ha të tërë me një frymë, gëlltit, përlaj. Menjëherë rrufiti gjellën. I rrufitën pijet një nga një.
3. Thith, tërheq me forcë. Mos rrufit hundët!
4. edhe fig., vet. v. III Përpin, thith, gëlltit. Sikur e rrufiti nata. E rrufitën epshet.
✱Sin.: hurb, përlaj, rruf, rrëkëllej, kollofit, llup.

TOROLLAS

TOROLLÁ/S vep., ~TA, ~TUR kal. 1. Llup, llufit. E torollati llokumen (gjellën).
2. Harxhoj, prish, bëj rrush e kumbulla (paratë, pasurinë). Ia torollati babait krejt pasurinë.
✱Sin.: llup, llufit, prish, harxhoj, torrovat.

TORROFIT

TORROFÍT (TORROFÍS) vep., ~A, ~UR bised., kal. Kollofit, përlaj (një ushqim), llufit, llup. E torrofiti mishin (dardhën).
✱Sin.: ha, skllup, kollofit, përlaj, llup, llufit.

TORROVAT

TORROVÁT (TORROVÁS) vep., ~A, ~UR kal. 1. Llup, llufit, torrofit. E torrovati mishin menjëherë.
2. Harxhoj, prish, bëj rrush e kumbulla (paratë, pasurinë). Ia torroviti krejt pasurinë.
3. Jap falas, dhuroj. I torrovati të gjitha.

TURRUFAT

TURRUFÁT (TURRUFÁS) vep., ~A, ~UR kal. Ha si i babëzitur, ha shumë dhe shpejt e shpejt, llup. Turrufatën gjysmën e tepsisë me bakllava (me fli). Turrufati një shportë me qershi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë