Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
GJOL,~I m. sh. ~E, ~ET bised. 1. Liqen; kënetë. Gjol i madh. Gjoli i vogël.
2. Baltë e madhe, llucë e hollë. Mbeti në gjol. U bë vendi gjol.
✱Sin.: gjolishtë, gjolare, moçal, kënetishtë, ligatinë, vurg, llurbë, llapërçinë, llokajë, balturinë.
♦ *Iu bë gjol e përrua i dolën përpara gjithfarë pengesash, nuk i shkuan mirë punët, nuk i shkoi mbarë.
LLÚC/Ë,~AI f. sh. ~A, ~AT Baltë e hollë; vend me baltë të tillë. Llucë e madhe. Vend me llucë. Ecte nëpër llucë. Ra në llucë. Kapërceu llucën.
✱Sin.: llurbë, llapërçinë, llokajë, balturinë, lerë, llum, gjol, kërrlë, baltë, baltovinë, batak, lloç.
♦ U bë llucë (dikush) i ra vlera fare, ka rënë shumë poshtë si njeri; u bë baltë2. E la në llucë (dikë) shih e la në baltë (dikë). I mbeti gomari në llucë (dikujt) keq. nuk është mirë nga gjendja ekonomike, është trokë; nuk ka asgjë në hambar; (është) kripë në diell (dikush); është (ka mbetur) krunde (dikush); kund. i pjell edhe gjeli (këndesi, kaposhi, kokoshi). Mbeti (ngeci) në llucë (dikush) shih mbeti (ngeci) në baltë (dikush). S’e nxjerr dot *çizmen nga lluca (nga bataku) (dikush) mospërf. E nxori (e ngriti) nga lluca (dikë) shih e nxori (e ngriti) nga balta (dikë).
LLUM,~I m. sh. ~RA, ~RAT 1. Baltë e përzier me ndyrësira a me papastërti të ndryshme; lym. Llumi i ujërave (i lumenjve, i përrenjve). Llumrat e kënetave (e kanaleve). Llumi lahet, turpi s’lahet. (fj. u.).
2. Fundërria e lëngut në një enë, llurbë: llumi i vajit (i verës, i kafesë). Llumi i vajit të ullirit kishte rënë tashmë në fund të enës.
3. Zhuli i trupit a i rrobave; zhuli i llullës së duhanit. Pastroi llumin e cigarishtes.
4. fig., keq. Fundërria e njerëzve; diçka e pavlerë ose e dëmshme. U ngrit llumi. Ai njeri është llumi i llumrave.
✱Sin.: lym, llokajë, lloç, llosh, baltë, zhul, ksestër, lerë, fundërri, llurbë, llubatë, lëtyrë, fundaq, baltovinë, batak, llome, dra, draskë, këllirë, mundërr, gërdhomë, gërdhajë, shushull, amti, murgë, vurg, fundërrinë, llucë.
♦ U bë llum. 1. (dikush). U fëlliq shumë, u ndot keq; s’e lan (dot) as lumi (dikë). 2. (diçka). U ngatërrua keq; u bë rrëmujë; u bë lëmsh; nuk ia kap fillin (diçkaje). M’u bë mendja (koka) llum shih m’u bë mendja (koka) dhallë. E bëri llum. 1. (diçka). E ngatërroi fare; e bëri lëmsh; e bëri lesh e li; e bëri çorbë; e bëri dhallë; e bëri bërllok. 2. (dikë). E turbulloi keq, e ngatërroi fare, sa s’është në gjendje të kuptojë a të mendojë; ia prishi mendjen (dikujt); ia bëri kokën (mendjen) dhallë (dikujt). Ra në llum (dikush) ra në gjendje të keqe e të vështirë; është përzier me njerëz të këqij; ra në baltë; ra në batak. Mbeti (ngeci) në llum (dikush) shih mbeti (ngeci) në baltë (dikush).
SKLLÓP,~II m. 1. Borë e shkelur e përzier me baltë, llucë. Rrugët ishin bërë tërë skllop. U përzie skllopi më shiun, nuk mund të ecnin më.
2. onomat. Zhurmë e përplasjes së këmbëve në baltë. Dëgjohej skllopi i udhëtarëve nëpër baltërat e fushave.
✱Sin.: baltë, llurbë, llapërçinë, llokajë, balturinë. ♦* E bëri skllop diçka e zbuti shumë duke e rrahur me diçka a duke e zier, e squlli.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë