Fjalori

Rezultate në përkufizime për “llasë”

Mëso si ta përdorësh
<<< Kthehu te kërkimi kryesor në fjalor

LLASTIM

LLASTÍM,~I m. sh. ~E, ~ET 1. Përkëdhelja që i bëhet dikujt.
2. Sjellja me naze e me teka (kryesisht për fëmijët e vegjël, që janë përkëdhelur me tepri); të llastuarit.
✱Sin.: ledhatim, dhele, lazdrim, llasë, zbunim, përkëdhelje, përkëdheli, vidul.

LLASË

LLÁS/Ë,~AI f. sh. ~A, ~AT Përkëdhelje e papërmbajtur, ledhatim i tepruar, që ia hap shumë syrin dikujt dhe e mëson keq; llastim. I jap llasë dikujt e përkëdhel a e ledhatoj jashtë masës, e llastoj. Ka marrë llasë është përkëdhelur shumë, është llastuar. Është rritur me llasë.
✱Sin.: llastim, lajkatim, përkëdhelje, miklim.

LLASË

LLÁS/Ë,~AII f. sh. ~A, ~AT Vrull i madh, guxim i tepruar. Mori llasë.
✱Sin.: hov, vrull, guxim.

TEPRUAR

TEPRÚAR (i, e) mb. 1. Që i kalon kufijtë, që nuk e ruan masën e duhur. Kujdes i tepruar. Shaka e tepruar. Guxim i tepruar kuturisje. Përkëdhelje e tepruar llasë. Modesti e tepruar. Lëvdatë e tepruar panegjirik. Liri e tepruar zdati. Lëvdatë e tepruar. Ngutje e tepruar.
2. Që tepron, që mbetet; që është i tepërt, që del tepër, që del si mbeturinë e diçkaje, mbetje, copa të mbetura. Llamarina të tepruara. Copa të tepruara nga prerja e kostumit. Copëzat e tepruara të drurit. Gurët e tepruar. Tullat e tepruara. Ushqimin e tepruar na e dha me vete. Para të tepruara nga blerjet e sotme para që kanë mbetur pa u shpenzuar, para që nuk janë harxhuar.
✱Sin.: i mbetur, i madh, i tepërt.

VRULL

VRULL,~I m. sh. ~E, ~ET 1. Lëvizje e shpejtë, e fuqishme dhe e menjëhershme që bën dikush kur ngrihet nga vendi; ecja e shpejtë a vrapimi i dikujt para se të kërcejë ose para se të kapërcejë diçka, hov; forca rrëmbyese e erës, e ujit a e diçkaje tjetër. Vrull i fuqishëm. Vrulli i erës (i ujit). Një vrull kali sa mund të ngasë një kalë me një vrap; një vrap pele. Mori vrull. Nuk ia preu vrullin. Hidhet (lëshohet) me vrull. Shpërthen me vrull. Bie me vrull. Shtohet vrulli. Rrjedh me vrull uji.
2. fig. Zhvillim i shpejtë dhe i fuqishëm i dikujt a i diçkaje, hov; forcë që të nxit e të frymëzon, dëshirë e madhe për të bërë diçka. Vrull i madh (i pandalshëm). Vrull i të rinjve. Vrull djaloshar (rinor). Vrull krijues. I dha vrull. E nisën me vrull. Punon me vrull.
3. vjet. Vend i caktuar për gara vrapimi, stadium.
✱Sin.: hov, turr, llasë, tallaz, sulm, furi, teftik, forcë, vërtik, vrullimë.

ZBUNIM

ZBUNÍM,~I m. sh. ~E, ~ET 1. Veprimi kur zbunoj dikë. Përftimet me zbunim. Procesi i zbunimit. Përdorime të zbunimeve. Dialekt i zhdërvjellun me zbunime të andëshme.
2. Përkëdhelje, ledhatim; llastim. Ia ngjitën në zbunim emrin. Kështu e thërrisnin me zbunim miqtë e shokët.
✱Sin.: përkëdhelje, ledhatim, llastim, llasë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë