Fjalori

Rezultate në përkufizime për “llapashitem”

Mëso si ta përdorësh
<<< Kthehu te kërkimi kryesor në fjalor

LLAPASHITEM

►LLAPASHÍT/EM jovep., ~A (u), ~UR vetv. 1. Eci duke përplasur këmbët në ujë, në baltë a në dëborë të squllët. Llapashitem në llucë. Llapashitej nëpër kënetë.
2. vet. v. III Bën një zhurmë të mbytur, që përsëritet sipas përplasjeve diku (për ujin, për lëngjet). Uji llapashitej në breg. Dallgët llapashiten në ranishte.
✱Sin.: llokoçitem, llapërçitem, shllapuritem, zhabaritem.

LLAPASHITJE

LLAPASHÍTJ/E,~A f. sh. ~E, ~ET 1. Veprimi kur llapashit ose kur llapashitem.
2. Zhurmë e mbytur që dëgjohet kur ecim në baltë, në ujë a në dëborë të squllët, duke përplasur këmbët; zhurmë e mbytur dhe e përsëritur që bëhet kur përplaset diku diçka e lëngshme. Llapashitje e lehtë. Llapashitja e detit (e valëve). Dëgjoheshin llapashitjet e këmbëve. Në shtegun e ngushtë dëgjoheshin llapashitjet e çizmeve nëpër lagështirë.
3. Të tepruarit me të folur duke u bërë i bezdisshëm për të tjerët.
✱Sin.: llokoçitje, llapërçitje, shllapuritje, zhabaritje, zhapëllimë.

LLAPAVITEM

►LLAPAVÍT/EM jovep., ~A (u), ~UR 1. vetv. Eci nëpër baltë a nëpër skllotë duke u zhytur; përbaltem a përqullem, llapashitem. Shkon duke u llapavitur.
2. vetv., vet. v. III Mbushet me llapavicë. U llapavitën rrugët.
3. pës. e LLAPAVÍT.

LLAPUÇITEM

►LLAPUÇÍT/EM jovep., ~A (u), ~UR krahin. 1. vetv. Fëlliqem duke rrahur këmbët e duke ecur nëpër baltë e ujëra; llaçkavitem, llapashitem. Fëmijët llapuçiteshin në sheshin e fshatit.
2. fig., vetv. Bëj tualet të tepruar; lyhem keq, llangosem. Duke u llapuçitur nuk do të dukesh më e bukur.
3. pës. e LLAPUÇÍT.
✱Sin.: backaritem, llaçkavitem, llapashitem, llapërçehem, pllacaritem, përyndyrem, përllangem, llangosem.

LLAPËRÇITEM

►LLAPËRÇÍT/EM jovep., ~A (u), ~UR vetv. Llapashitem. Llapërçitem në sqotë. U llapërçitën në llapërkajë. Fëmijë e lagjes ishin llapërçitur në pellgjet e mëdha që ishin krijuar nga shkrirja e dëborës.

SHLLAPURITEM

►SHLLAPURÍT/EM jovep., ~A (u), ~UR vetv. Llapashitem. Shllapuritej nëpër ujë.

TALLOÇITEM

►TALLOÇÍT/EM jovep., ~A (u), ~UR 1. vetv., vet. v. III Bën një zhurmë të mbytur kur zien a kur përplaset ritmikisht diku (për ujët, për valët, për lëngjet); llokoçitet, llapashitet, përplaset. Talloçitet uji (qumështi) në tenxhere (në bidon). Dallgët talloçiteshin në shkëmb.
2. vetv. Lëviz duke përplasur këmbët në ujë, në llohë, në baltë, në llapërkajë; llapashitem. Fëmija po talloçitej në pellg.
3. vetv., vet. v. III Zhgërryhet, shkarëzehet (kafsha). Derrat talloçiten në lerë (në baltë).
4. pës. e TALLOÇÍT.
✱Sin.: llokoçitet, llapashitet, përplaset, tundet, lëviz, përplaset, zhgërryhet, shkarëzehet.

ZHABARITEM

►ZHABARÍT/EM jovep., ~A (u), ~UR 1. vetv. Përplas duart e këmbët në ujë, lahem duke i lëvizur e duke i përplasur fort duart e këmbët; llapashitem. Fëmijët zhabariteshin në një pellg.
2. pës. e ZHABARÍT.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë