Fjalori

Rezultate në përkufizime për “llahtarshëm”

Mëso si ta përdorësh
<<< Kthehu te kërkimi kryesor në fjalor

LEBETISHËM

LEBETÍSH/ËM (i), ~ME (e) mb., bised. Që është tmerrues, që është i llahtarshëm, lebetitës.

LEBETITËS

LEBETÍTËS,~E mb. Që të lebetit, që të tmerron, i llahtarshëm, i lebetishëm. Gjatë stuhisë, qielli mori një ngjyrë lebetitëse.

LEMERISHËM

LEMERÍSH/ËM (i), ~ME (e) mb. Që ta shtie tmerrin, që të kall datën, shumë i tmerrshëm; që shpreh frikë të madhe a tmerr, që bëhet me lemeri. Pamje (ëndërr, vdekje) e lemerishme. Zë i lemerishëm.
✱Sin.: i tmerrshëm, i llahtarshëm, tronditës, i jashtëzakonshëm.

LEMERISHËM

LEMERÍSHËM ndajf. Në mënyrë të lemerishme, me frikë të madhe. U zgjua lemerishëm nga një ëndërr.
✱Sin.: tmerrshëm, llahtarshëm.

LEMERISËS

LEMERÍSËS,~E mb. Që të lemeris, që të shtie lemerinë, që të tmerron. Fytyra e tij është lemerisëse.
✱Sin.: tmerrues, i llahtarshëm, lebetitës, rraskapitës.

LLAHTARSHËM

LLAHTÁRSHËM ndajf., bised. Në mënyrë të llahtarshme. E shikonte llahtarshëm. I arratisur llahtarshëm nëpër botë. Zëri i tij kumbonte llahtarshëm. Të gjitha po ndodhnin më llahtarshëm.

LLAHTARSHËM

LLAHTÁRSH/ËM (i), ~ME (e) mb., bised. Që të shtie frikën, që të kall tmerrin; i shëmtuar; i tmerrshëm; llahtarë. Ulërimë e llahtarshme. Pamje (zhurmë) e llahtarshme. Tortura të llahtarshme. Krim i llahtarshëm.

MËNDERSHËM

MËNDÉRSH/ËM (i), ~ME (e) mb. I frikshëm, i tmerrshëm, i mnershëm.
✱Sin.: i lemerishëm, i llahtarshëm, i mnershëm.

QOFTËLARG

QOFTËLÁRG,~U m. euf. Djalli, shejtani. Uh, qoftëlargu! Për një çast asaj iu duk i llahtarshëm, si qoftëlargu, dhe prandaj u mek.

TMERRSHËM

TMÉRRSH/ËM (i), ~ME (e) mb. 1. Që të fut tmerrin, që të shkakton frikë dhe dëme të mëdha, që të ngjall tmerr, shumë i frikshëm, i llahtarshëm. Luftë e tmerrshme. Krime të tmerrshme. Njeri i tmerrshëm. Është i tmerrshëm (e tmerrshme).
2. Jashtëzakonisht i madh, që shfaqet në një sasi a në një shkallë shumë të madhe. Frikë e tmerrshme. Rrëmujë e tmerrshme. Forcë e tmerrshme. Gjendje e tmerrshme. Katastrofë e tmerrshme.
✱Sin.: tmerrues, i lemerishëm, i llahtarshëm, i llahtartë, i gazepshëm, tragjik, mizor, i skëterrshëm, i frikshëm, drithërues, i kobshëm, i përbindshëm, i jashtëzakonshëm.

TMERRUES

TMERRÚES,~E mb. Që të fut tmerrin, që të ngjall tmerr; i tmerrshëm, i llahtarshëm, lebetitës. Krime tmerruese. Britmë tmerruese. Ulërima tmerruese.

TRAGJIK

TRAGJÍK,~E mb. 1. let. Që ka të bëjë me tragjedinë, që i përket tragjedisë, i tragjedisë; që është karakteristik për tragjedinë, që të mallëngjen e të prek thellë. Pjesë tragjike. Personazh tragjik. Aktor tragjik tragjedian, aktor që luan tragjedi. Autor tragjik ai që shkruan tragjedi. Role tragjike. Poet tragjik.
2. fig. I përgjakshëm, i tmerrshëm, i llahtarshëm; i rëndë e tronditës. Ngjarje tragjike. Pasoja tragjike. Gjendje tragjike. Fund tragjik. Vdekje tragjike. Fat tragjik. Aksident tragjik.
3. Që shpreh a ngjall ankth, tmerr dhembje ose pikëllim. Zë (ton) tragjik. Pamje (vështrim) tragjik.
✱Sin.: i përgjakshëm, i tmerrshëm, i rëndë, tronditës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë