Fjalori

Rezultate në përkufizime për “llahtaris”

Mëso si ta përdorësh
<<< Kthehu te kërkimi kryesor në fjalor

DATOJ

DATÓ/JI vep., ~ÓVA, ~ÚAR kal. I kall datën dikujt, e tmerroj; e përdat. I datoi fëmijët.
✱Sin.: tmerroj, lemeris, lebetit, llahtaris, tremb, tromaks, frikësoj, frikoj.

KIAMET

KIAMÉT,~I m. sh. ~E, ~ET bised. 1. Shtrëngatë, furtunë e madhe; shi i madh; dëborë e madhe; përmbytje. Ditë kiameti.
2. Katastrofë; kërdi; mynxyrë. U bë kiameti.
3. edhe fig. Britmë e madhe; gjëmë; nam. Bëri kiametin bëri gjëmën.
4. si ndajf., bised. Shumë, krejt. I ngjan kiamet të atit.
✱Sin.: katastrofë, përmbytje, mynxyrë, kërdi, gjëmë, nam, shumë, krejt.
♦ S’u bë kiameti! s’ka gjë, nuk është ndonjë gjë e madhe, s’prishet ndonjë punë e rëndësishme; nuk u prish bota. Kiameti të bëhet! le të bëhet më e keqja, unë nuk pyes, nuk heq dorë çfarëdo që të ndodhë; tym të dalë! (tymi le të dalë!); njëra të bëhet! të bëhet ç’të bëhet; (edhe sikur) bota të përmbyset! Bëri kiametin (dikush) bëri zhurmë të madhe, u ankua me të madhe, bërtiti fort; bëri gjëmën; bëri gurin e gjakut; bëri hatanë bised. Pa kiametin me sy (dikush) u llahtaris nga diçka e frikshme, nga një fatkeqësi e madhe etj.; u tremb shumë nga diçka. Më vjen kiamet kam shumë turp e droje, nuk kam guxim të them a të bëj diçka para të tjerëve.

LEMERIS

LEMERÍS vep., ~A, ~UR kal. E frikësoj shumë dikë, e tmerroj keqas, i kall datën dikujt. E lemerisi djalin. Lemerisi tërë fshatin.
✱Sin.: tmerroj, llahtaris.

LLAHTARISEM

►LLAHTARÍS/EM jovep., ~A (u), ~UR 1. bised., vetv. Frikësohem shumë, tmerrohem; lemerisem. U llahtaris në gjumë.
2. pës. e LLAHTARÍS. U llahtarisëm nga tërmeti. U llahtaris nga ajo që dëgjoi.

LLAHTARISJE

LLAHTARÍSJ/E,~A f., bised. Veprimi kur llahtaris dikë ose kur llahtarisem; frikë e madhe; frikësim. Llahtarisja nga lufta. E trembur deri në llahtarisje.

LLAHTARISËS

LLAHTARÍSËS,~E mb., bised. Që të llahtaris. Pamje llahtarisëse. Tmerre llahtarisëse. Të vërtetat llahtarisëse.

TMERROJ

TMERR/ÓJ vep., ~ÓVA, ~ÚAR kal. I fut tmerrin dikujt, i kall tmerrin, e frikësoj shumë. E tmerruan të shkretin. Tmerroi shtëpinë (familjen). I tmerroi shokët. Shpërthimi i fortë tmerroi krejt lagjen.
✱Sin.: lemeris, lebetit, llahtaris, përdatshpif, tremb.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë