Fjalori

Rezultate në përkufizime për “llahtar”

Mëso si ta përdorësh
<<< Kthehu te kërkimi kryesor në fjalor

BABARAQE

BABARÁQ/E,~JA f., krahin. 1. Të ftohtë i madh; erë e ftohtë, fërfëllizë. Grykës së malit frynte babaraqja. I shtiu babaraqen. Mora babaraqen më hynë të dridhurat nga të ftohtit.
2. fig. Frikë e madhe, datë, lemeri, tmerr. I dha babaraqen fëmijës. Mori babaraqen. Më shtiu (më futi) babaraqen më trembi, më tmerroi. Fishkëllima e plumbit i kalli babaraqen.
✱Sin.: acari, ciknë cingërimë, thëllim, akullimë, fraq, athëtimë, cakërri, cingor, cegëm, fërfëllizë, frulli, fryjë, avër, datë, lemeri, lebeti, llahtar, tmerr, të keq, të lig, hata.

LLAHTAR

LLAHTÁR mb. Që të fut frikën, që të tmerron. Lëshoi një klithmë llahtar. U zgjua nga një ëndërr llahtar. Aksident llahtar.

MËNDERË

MËNDÉR/Ë,~A f. Frikë e madhe, tmerr.
✱Sin.: lemeri, llahtar, mnerë.

TARAKSI

TARAKSÍ,~A f. Shtangie, tmerr, frikë, llahtar. Pa taraksi pa frikë, pa u tmerruar; pa u çuditur; pa u hutuar, pa humbur mendjen.

TISHKË

TÍSHK/Ë,~A f. sh. ~A, ~AT 1. Ashkël, bujashkë, spicë druri. Bën tishka kur pret dru. Tishka për të ndezur zjarrin.
2. Fetë, rriskë, copë, thelë. Një tishkë bukë (djathë).
3. Imtë, minutë, pak kohë, një copë herë. Prit një tishkë. Ndenji një tishkë.
4. Frikë e madhe, tmerr, panik. I shtie tishkën e tmerroj, i kall datën. I ka hyrë tishka i ka hyrë tmerri, e ka zënë paniku.
5. nr. sh. Kokrriza në lëkurë prej përjetimeve të forta; mornica. Iu mbush trupi me tishka.
6. fig. Llafe, fjalë, thashetheme. S’i ka dalë sikur edhe një tishkë.
7. fig. Rob, njeri, krijesë; farë, skotë. Tishkë e Zotit. Tishkë e keqe.
✱Sin.: ashkël, bujashkë, spicë, fetë, rriskë, copë, thelë, imtë, minutë, grimë, çast, sekondë, frikë, tmerr, panik, llahtar, lebeti, kokrrizë, mornicë, llafe, fjalë, thashetheme, rob, njeri, krijesë, farë, skotë.

TMERR

TMÉRR,~I m. sh. ~E, ~ET 1. Frikë e madhe që ndiejmë përpara një rreziku a një fatkeqësie. I hyri (e zuri, e kapi) tmerri. I vinte tmerr tmerrohej. I shtiu (i kalli) tmerrin. I doli tmerri. E dëgjoi me tmerr. Të ngjall tmerr.
2. Diçka që të fut frikë të madhe, diçka që të tmerron; diçka e keqe dhe e padurueshme. Ky njeri të ngjall tmerr. Tmerret e luftës. Kanë parë tmerre me sy. Çfarë tmerri! Shtang (gulçoj) nga tmerri.
3. si kallëz. Është e tmerrshme. Tmerr kur të del përpara. Tmerr kur e mendon.
✱Sin.: frikë, lebeti, lemeri, llahtari, llahtar, drithërimë.

TMERRUESHËM

TMERRÚESHËM ndajf. Me tmerr, gjithë tmerr, me llahtar, me panik; tmerrësisht, tmerrisht. Vështronte tmerrueshëm grykën e armës. U soll tmerrueshëm keq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë