Fjalori

Rezultate në përkufizime për “llackosur”

Mëso si ta përdorësh
<<< Kthehu te kërkimi kryesor në fjalor

LLACKAN

LLACKÁN,~E mb., bised. 1. I përlyer, i llackosur.
2. si em. m. e f. Sipas kuptimit të mbiemrit.

LLACKOS

LLACKÓS vep., ~A, ~UR bised., kal. 1. Përlyej, bëj me njolla; fëlliq, ndot. Llackos me baltë. I llackosi rrobat që kishte veshur.
2. fig., keq. Bëj diçka pa kujdes; katranos. Punën në fund e llackosi. E kishte llackosur murin.
✱Sin.: llangos, ndot, fëlliq, përlyej.

LLACKOSEM

►LLACKÓS/EM jovep., ~A (u), ~UR vetv. 1. bised. Përlyhem, bëhem me njolla; fëlliqem, ndotem. Llackosem në fytyrë.
2. keq. Lyhem shumë e në mënyrë të pahijshme me të kuq a me diçka tjetër në fytyrë etj. (zakonisht për gratë). Ishte llackosur e s’shihej dot me sy.
3. pës. e LLACKÓS.
✱Sin.: llangosem, ndotem, fëlliqem, përlyhem.

LLACKOSUR

LLACKÓSUR (i, e) mb., bised. 1. I përlyer, i bërë me njolla; i fëlliqur. Këmishë (shami) e llackosur. Me duar të llackosura.
2. fig., keq. Që është i lyer shumë e në mënyrë të pahijshme (kryesisht për gra).
✱Sin.: i llangosur, i palarë, i ndotur, i fëlliqur, i përlyer.

LLAÇKAN

LLAÇKÁN,~E mb. 1. I përlyer, që është i llackosur.
2. si em. m. e f. Sipas kuptimit të mbiemrit.

NDOTUR

NDÓTUR (i, e) mb. 1. Që është ndotur, që është fëlliqur me diçka, i fëlliqur, i papastër; kund. i pastër, i pastruar, i çndotur. Rroba (këpucë) të ndotura. Rrugë të ndotura. Me duar të ndotura.
2. Që është i dëmshëm për jetën e gjallë për shkak të lëndëve kimike, të mbeturinave të industrisë etj. Ujëra të ndotura. Ajër i ndotur.
✱Sin.: i ndyrë, i ndotë, i pistë, i zhyer, i papastër, beribat, i fëlliqur, i përlyer, i përdhosur, i laturisur, i llackosur, i llagavitur, i llangosur, lapangjoz, lastrok, zhelaman, i lyer, i zgjyrosur, i qelbur, gërbulaq, trokë, i prishur.

PËRLYER

PËRLÝER (i, e) mb. 1. Që është bërë me lyrë, i lyrosur. Me duar të përlyera.
2. Që është bërë me njolla, që është ndotur gjithandej, i fëlliqur. Me rroba të përlyera.
3. fig. Që ka marrë pjesë a është përzier në një punë të ligë, në një krim etj., i njollosur në një punë të keqe a të ndyrë. Njeri i përlyer. Ishte edhe vetë i përlyer.
✱Sin.: i lyrosur, i përlyrë, i pëlyrur, i lyer, i njollosur, i ndotur, i fëlliqur, i ndyrë, i papastër, i zhyer, i përdhosur, i zhgërryer, i laturisur, i llackosur, beribat.
♦ *I zhyer e i përlyer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë