Fjalori

Rezultate në përkufizime për “linotip”

Mëso si ta përdorësh
<<< Kthehu te kërkimi kryesor në fjalor

LINOTIPI

LINOTIPÍ,~A m. shtypshkr. Teknikë e shtypshkrimit me linotip. Gazetat e shekullit XX përdornin gjerësisht linotipinë për të kompozuar faqet me shpejtësi të lartë.

LINOTIPIST

LINOTIPÍST,~I m. sh. ~Ë, ~ËT shtypshkr. Punëtor shtypshkronje që radhit shkronjat në linotip, radhitës në linotip. Reparti i linotipistëve.

LINOTIPISTE

LINOTIPÍST/E,~JA f. sh. ~E, ~ET shtypshkr. Punëtore shtypshkronje që radhit shkronjat në linotip, radhitëse në linotip. Linotipistja e re.

RADHIT

RADHÍT (RADHÍS) vep., ~A, ~UR kal. 1. Vë në radhë, vendos njërin pas tjetrit ose njërin përbri tjetrit sipas një rregulli; rreshtoj, rendit. Radhit librat (karriget, arkat). Radhit ushtarët (nxënësit). Radhit emrat (fjalët) sipas rendit alfabetik. E radhiti në vendin e katërt.
2. Zë në gojë, përmend një pas një disa gjëra ose disa njerëz. Radhitni numrat sipas madhësisë. Radhiti arsyet e kandidimit. I radhiti të gjithë pa harruar asnjë.
3. Rendit me dorë, me linotip etj. shkronjat dhe fjalët për të riprodhuar një tekst që do të shtypet. Radhit një artikull. Radhit një faqe.
4. Shtyp me gishta butonat e tastierës së një kompjuteri për të regjistruar të dhëna ose për të riprodhuar një tekst; digjitalizoj. Radhit në kompjuter.
5. fig. Vë diçka a dikë në një radhë me diçka a me dikë tjetër, e quaj të një shkalle a të një vlere me një tjetër; barazoj. E radhiti me veten. E radhiti krahas më të mirëve. I radhitën me vendet problematike.
✱Sin.: radhoj, rendit (rendis), rreshtoj, merendoj, krahishtoj, rendoj, vë.

RADHITJE

RADHÍTJ/E,~A f. sh. ~E, ~ET 1. Veprimi kur radhit ose kur radhitem; vendosje njëri pas tjetrit ose njëri përbri tjetrit sipas një rregulli, radhim, rreshtim. Radhitja e trupave (e nxënësve, e njerëzve). Radhitja e librave (e arkave, e makinave). Radhitja e skuadrës (e lojtarëve). Radhitja e mendimeve (e ngjarjeve, e shembujve). Radhitja e librit. Radhitje me dorë (me linotip). Punëtor i radhitjes. Dërgoj (jap) për radhitje. Radhitje me kompjuter digjitalizim.
2. Tërësia e shkronjave dhe e fjalëve, të radhitura për shtyp. Bëj radhitjen e dorëshkrimit.
✱Sin.: radhim, renditje, rreshtim, rendim, vënie.

RADHITUR

RADHÍTUR (i, e) mb. 1. Që është vendosur njëri pas tjetrit ose përbri njëri-tjetrit, i renditur, i rreshtuar. Listë emrash e radhitur alfabetikisht.
2. Që është radhitur në linotip ose në kompjuter. Tekst i radhitur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë